ಮೂವರು ಮಹಿಳೆಯರ ಮೇಲೆ ಅತ್ಯಾಚಾರ... ಏಳು ಕಾಮುಕರು ಅಂದರ್​​

ಉತ್ತರಪ್ರದೇಶದ ನೋಯ್ಡಾದಲ್ಲಿ ಅಮಾನವೀಯ ಘಟನೆವೊಂದು ನಡೆದಿದ್ದು, ಮೂವರು ಮಹಿಳೆಯರ ಮೇಲೆ ಕಾಮುಕರು ದುಷ್ಕೃತ್ಯ ಮೆರೆದಿದ್ದಾರೆ.

ನೋಯ್ಡಾ: ಉತ್ತರ ಪ್ರದೇಶದ ನೋಯ್ಡಾದ ಸೆಕ್ಟರ್​​ 135 ಏರಿಯಾದಲ್ಲಿ ಮೂವರು ಮಹಿಳೆಯರ ಮೇಲೆ ಅತ್ಯಾಚಾರ ಎಸೆಗಿರುವ ಘಟನೆ ನಡೆದಿದ್ದು, ಪ್ರಕರಣಕ್ಕೆ ಸಂಬಂಧಿಸಿದಂತೆ ಏಳು ಮಂದಿಯ ಬಂಧನ ಮಾಡಲಾಗಿದೆ.

ಆರೋಪಿಗಳನ್ನ ಅಖಿಲೇಶ್​ ಯಾದವ್​,ಲವೇಶ್​ ಯಾದವ್​, ಭೋಲಾ ಯಾದವ್​, ಅಂಜು ಯಾದವ್​, ರಾಜೇಶ್​ ಯಾದವ್​, ಸತೀಸ್ ಪಾಲ್​ ಹಾಗೂ ರಾಜಕುಮಾರ್​​ ಮೌರ್ಯ ಎಂದು ಗುರುತಿಸಲಾಗಿದ್ದು, ತಪ್ಪಿಸಿಕೊಂಡಿರುವ ಇಬ್ಬರನ್ನ ಮುಲಾಯಂ ಯಾದವ್​ ಹಾಗೂ ಪಂಕಜ್​ ಎಂದು ಗುರುತಿಸಲಾಗಿದೆ.

ಘಟನೆಗೆ ಸಂಬಂಧಿಸಿದಂತೆ ನಿನ್ನೆ ಸಂಜೆ 5ಗಂಟೆಗೆ ಎಕ್ಸ್​ಪ್ರೆಸ್​ ವೇ ರೈಲ್ವೆ ಸ್ಟೇಷನ್​ಗೆ ಆಗಮಿಸಿ, ಮಹಿಳೆ ದೂರು ನೀಡಿದ್ದು, ತನ್ನೊಂದಿಗೆ ಇದ್ದ ಇಬ್ಬರು ಸ್ನೇಹಿತೆಯರ ಮೇಲೂ ದುಷ್ಕರ್ಮಿಗಳು ಕೃತ್ಯವೆಸಗಿದ್ದಾಗಿ ತಿಳಿಸಿದ್ದಾಳೆ. ಇನ್ನು ಪೊಲೀಸರು ತಿಳಿಸಿರುವ ಪ್ರಕಾರ ಅತ್ಯಾಚಾರಕ್ಕೊಳಗಾದ ಮಹಿಳೆಯರು ಲೈಂಗಿಕ ಕಾರ್ಯಕರ್ತೆಯರು ಎಂದು ಶಂಕೆ ವ್ಯಕ್ತಪಡಿಸಿದ್ದಾರೆ.

ವ್ಯಕ್ತಿವೋರ್ವ ಇವರನ್ನ ಫಾರ್ಮ್​ ಹೌಸ್​ಗೆ ಕರೆತಂದಿದ್ದು, ಅಲ್ಲಿ ಕಾಮುಕರು ದುಷ್ಕೃತ್ಯವೆಸಗಿದ್ದಾರೆ. ತದನಂತರ ಅವರನ್ನ ರಸ್ತೆ ಪಕ್ಕದಲ್ಲಿ ಬಿಟ್ಟು ಪರಾರಿಯಾಗಿದ್ದಾರೆ ಎಂದು ಪೊಲೀಸ್​ ಅಧಿಕಾರಿ ವೈಭವ್​ ಕೃಷ್ಣ ತಿಳಿಸಿದ್ದಾರೆ.