10 ನಿಮಿಷ ತಡವಾಗಿ ಕ್ಲಾಸ್​​​ಗೆ ಬಂದಿದ್ದಕ್ಕೆ.. ಸಿಟ್ಟಿಗೆದ್ದ ಟೀಚರ್​​ ಮಾಡಿದ್ದೇನು?

ಗುಜ್ಜರ್​​ ಮತ್ತು ಬಾಕೇರ್​ವಾಲ್​ ಹಾಸ್ಟೆಲ್​​ನಲ್ಲಿ ಶಿಕ್ಷಕರೊಬ್ಬರು ಕೇವಲ 10 ನಿಮಿಷ ಕ್ಲಾಸ್​ಗೆ ತಡವಾಗಿ ಬಂದಿದ್ದರಿಂದ ರೊಚ್ಚಿಗೆದ್ದು, ಎಲ್ಲರನ್ನೂ ಸಾಲಾಗಿ ನಿಲ್ಲಿಸಿ ಏಟು ಕೊಟ್ಟಿದ್ದಾರೆ. ತಲೆ ಬಗ್ಗಿಸಿ ಸೊಂಟ ಮೇಲೆ ಮಾಡಿಸಿ ಬಾರಿಸಿರುವ ಫೋಟೋಗಳು ವೈರಲ್​ ಆಗಿದೆ.

ಶ್ರೀನಗರ: ಮಕ್ಕಳಿಗೆ ಈಗ ಶಿಕ್ಷಕರು ಥಳಿಸುವಂತಿಲ್ಲ. ಈ ಸಂಬಂಧ ಕಠಿಣ ನಿಯಮಗಳಿದ್ದರೂ ಶಿಕ್ಷಕರು ಮಾತ್ರ ಈ ನಿಯಮ ಸರಿಯಾಗಿ ಪಾಲಿಸುವಂತೆ ಕಾಣುತ್ತಿಲ್ಲ. ಈ ಮಾತಿಗೆ ಇಂಬು ನೀಡುವಂತೆ ಜಮ್ಮು ಕಾಶ್ಮೀರದಲ್ಲಿ ಶಿಕ್ಷಕರೊಬ್ಬರು ಅಮಾನುಷ ರೀತಿಯಲ್ಲಿ ನಡೆದುಕೊಂಡಿದ್ದಾರೆ.

ಇಲ್ಲಿನ ಗುಜ್ಜರ್​​ ಮತ್ತು ಬಾಕೇರ್​ವಾಲ್​ ಹಾಸ್ಟೆಲ್​​ನಲ್ಲಿ ಶಿಕ್ಷಕರೊಬ್ಬರು ಕೇವಲ 10 ನಿಮಿಷ ಕ್ಲಾಸ್​ಗೆ ತಡವಾಗಿ ಬಂದಿದ್ದರಿಂದ ರೊಚ್ಚಿಗೆದ್ದು, ಎಲ್ಲರನ್ನೂ ಸಾಲಾಗಿ ನಿಲ್ಲಿಸಿ ಏಟು ಕೊಟ್ಟಿದ್ದಾರೆ. ತಲೆ ಬಗ್ಗಿಸಿ ಸೊಂಟ ಮೇಲೆ ಮಾಡಿಸಿ ಬಾರಿಸಿರುವ ಫೋಟೋಗಳು ವೈರಲ್​ ಆಗಿದೆ.

ಶಿಕ್ಷಕರ ಈ ವರ್ತನೆ ಬಗ್ಗೆ ಮಕ್ಕಳ ಹಕ್ಕುಗಳ ರಕ್ಷಣಾ ಇಲಾಖೆಗೆ ದೂರು ಹೋಗಿದೆ. ಈ ದೂರನ್ನು ಗಂಭೀರವಾಗಿ ಪರಿಗಣಿಸಿದ ಜಮ್ಮು ಕಾಶ್ಮೀರದ ಮಕ್ಕಳ ಹಕ್ಕುಗಳ ಸಮಿತಿ ಶಿಕ್ಷಕನಿಗೆ ನೋಟಿಸ್​​ ಜಾರಿ ಮಾಡಿದೆ. ಮಕ್ಕಳು ಹಕ್ಕುಗಳ ಸಮಿತಿ ಹಾಜರಾಗಿ ವಿವರಣೆ ನೀಡುವಂತೆ ಸೂಚಿಸಲಾಗಿದೆ.

ಈ ವಿಷಯ ಗಂಭೀರವಾಗಿ ಪರಿಗಣಿಸಿರುವ ಸಮಿತಿ ವಿಚಾರಣೆ ನಡೆಸಿ ಸೂಕ್ತ ಹಾಗೂ ನಿರ್ದಾಕ್ಷಿಣ್ಯ ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದೆ.