ಖ್ಯಾತ ಉದ್ಯಮಿ ನಾಪತ್ತೆ ಪ್ರಕರಣ​... ಕೇಂದ್ರದ ನೆರವು ಕೋರಿದ ಸಂಸದರು!

ನವದೆಹಲಿಯಲ್ಲಿ ಬಿಜೆಪಿ ಸಂಸದರು ಕೇಂದ್ರ ಗೃಹ ಸಚಿವ ಅಮಿತ್​ ಶಾರನ್ನು ಭೇಟಿ ಮಾಡಿ ಹುಡುಕಾಟಕ್ಕೆ ಕೇಂದ್ರದ ನೆರವು ಕೇಳಿದ್ಧಾರೆ.

ನವದೆಹಲಿ: ಕಾಫಿ ಡೇ ನಷ್ಟದಲ್ಲಿದ್ದು, ಐಟಿ ಇಲಾಖೆಯಿಂದ ದಾಳಿಯೂ ನಡೆದಿತ್ತು. ಈ ಎಲ್ಲ ಕಾರಣಗಳ ಹಿನ್ನೆಲೆಯಲ್ಲಿ ನೊಂದಿದ್ದ ಮಾಜಿ ಸಿಎಂ ಎಸ್​.ಎಂ. ಕೃಷ್ಣರ ಅಳಿಯ ವಿ.ಜಿ ಸಿದ್ಧಾರ್ಥ್​ ಸೋಮವಾರ ಸಂಜೆ ಮಂಗಳೂರಿನಲ್ಲಿ ನಿಗೂಢವಾಗಿ ನಾಪತ್ತೆಯಾಗಿದ್ದು, ಸದ್ಯ ಹುಡುಕಾಟ ಭರದಿಂದ ಸಾಗಿದೆ.

ಅತ್ತ ನವದೆಹಲಿಯಲ್ಲಿ ಬಿಜೆಪಿ ಸಂಸದರು ಕೇಂದ್ರ ಗೃಹ ಸಚಿವ ಅಮಿತ್​ ಶಾ ಅವರನ್ನ ಭೇಟಿ ಮಾಡಿ ಮನವಿ ಪತ್ರವನ್ನ ಕೊಟ್ಟಿದ್ದು,. ಸಿದ್ಧಾರ್ಥ ಹುಡುಕಾಟಕ್ಕೆ ಕೇಂದ್ರ ನೆರವು ನೀಡುವಂತೆ ರಾಜ್ಯದ ಸಂಸದರಾದ ಶೋಭಾ ಕರಂದ್ಲಾಜೆ, ನಳಿನ್​ ಕುಮಾರ್​ ಕಟೀಲು ಹಾಗೂ ಸಂಗಣ್ಣ ಕರಡಿ ಸೇರಿದಂತೆ ಹಲವರು ಮನವಿ ಮಾಡಿದ್ದಾರೆ.

ಇದೇ ವೇಳೆ ಉಡುಪಿ-ಚಿಕ್ಕಮಗಳೂರು ಸಂಸದೆ ಶೋಭಾ ಕರಂದ್ಲಾಜೆ ರಕ್ಷಣಾ ಸಚಿವ ರಾಜನಾಥ್ ಸಿಂಗ್​​ ಅವರಿಗೂ ಮನವಿ ಮಾಡಿದ್ದು ಅಗತ್ಯ ನೆರವು ನೀಡುವಂತೆ ಕೇಳಿದ್ದಾರೆ.

ಮಾಜಿ ಸಿಎಂ ಕೃಷ್ಣ ನಿವಾಸಕ್ಕೆ ಸಿಎಂ ಬಿಎಸ್​ ಯಡಿಯೂರಪ್ಪ ಹಾಗೂ ಕಾಂಗ್ರೆಸ್​ ನಾಯಕರಾದ ಡಿಕೆಶಿ ಸೇರಿದಂತ ಹಲವು ನಾಯಕರು ಸಾಂತ್ವನ ಹೇಳಿದ್ದಾರೆ. ಯಾವುದೇ ಆತಂಕ ಪಡುವ ಅಗತ್ಯವಿಲ್ಲ ಎಂದಿದ್ದಾರೆ.