ರಾಜೀವ್​ ಬಗ್ಗೆ ಅವಹೇಳನವಾಗಿ ಮಾತನಾಡುವುದು ಹೇಡಿತನ: ಅಹಮದ್​ ಪಟೇಲ್​

ಮಾಜಿ ಪ್ರಧಾನಿ ದಿ. ರಾಜೀವ್ ಗಾಂಧಿ ಬಗ್ಗೆ ಅವಹೇಳನಕಾರಿಯಾಗಿ ಮಾತನಾಡುವುದು ಪರಮ ಹೇಡಿತನದ ಸಂಕೇತ ಎಂದು ಹಿರಿಯ ಕಾಂಗ್ರೆಸ್​ ನಾಯಕ ಮತ್ತು ರಾಜ್ಯಸಭಾ ಸದಸ್ಯ ಅಹಮದ್​ ಪಟೇಲ್ ಅಭಿಪ್ರಾಯಪಟ್ಟರು.

ನವದೆಹಲಿ: ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರನ್ನು ನಿಂದಿಸಿ ಮಾತನಾಡುವುದು ಪರಮ ಹೇಡಿತನದ ಸಂಕೇತ ಎಂದು ಹಿರಿಯ ಕಾಂಗ್ರೆಸ್​ ನಾಯಕ ಮತ್ತು ರಾಜ್ಯಸಭಾ ಸದಸ್ಯ ಅಹಮದ್​ ಪಟೇಲ್ ಎಂದು ಹೇಳಿದರು.

ಚುನಾವಣಾ ಪ್ರಚಾರದ ವೇಳೆ ಪ್ರಧಾನ ಮಂತ್ರಿ ನರೇಂದ್ರ ಮೋದಿ, ರಾಜೀವ್​ ಗಾಂಧಿಯವರು ಭ್ರಚ್ಟಾಚಾರಿ ನಂಬರ್ 1 ಎಂದು ಟೀಕಿಸಿದ್ದರು. ಈ ಹಿನ್ನೆಲೆಯಲ್ಲಿ ಪಟೇಲ್ ಪರೋಕ್ಷವಾಗಿ ಮೋದಿಯವರನ್ನು ಜರೆದಿದ್ದಾರೆ.

ಇದೇ ವೇಳೆ, ಅವರು ರಾಹುಲ್ ಗಾಂಧಿ ಹತ್ಯೆಗೆ ಕಾರಣರಾಗಿದ್ದು ಯಾರು ಎಂದು ಪ್ರಶ್ನಿಸಿದ್ದಾರೆ. ಆ ಸಂದರ್ಭದಲ್ಲಿ ಉತ್ತರ ಪ್ರದೇಶದಲ್ಲಿ ವಿ.ಪಿ.ಸಿಂಗ್ ಸರ್ಕಾರವಿತ್ತು. ರಾಜೀವ್ ಅವರಿಗೆ ಹೆಚ್ಚಿನ ಭದ್ರತೆ ಅವಶ್ಯಕತೆ ಇರುವ ಬಗ್ಗೆ ಸಂಪೂರ್ಣವಾದ ಮಾಹಿತಿ ಇದ್ದರೂ ಕೂಡಾ ಬಿಜೆಪಿ ಬೆಂಬಲದೊಂದಿಗೆ ಆಗಿನ ಸರ್ಕಾರ ಹೆಚ್ಚುವರಿ ಸೆಕ್ಯುರಿಟಿ ನೀಡಲಿಲ್ಲ ಎಂದು ಆರೋಪಿಸಿದರು.