ತಮ್ಮ ಕಿರಿಯರ ತಂಡದಿಂದಲೇ ಹತ್ಯೆಯಾದ ನಕ್ಸಲ್​ ನಾಯಕ ವಿಜ್ಜಾ

ಛತ್ತಿಸ್​ಗಢದಲ್ಲಿ ನಕ್ಸಲರ ಅಟ್ಟಹಾಸ ಹೆಚ್ಚಾಗಿದ್ದು, ಕಿರಿಯ ನಕ್ಸಲರೇ ಹಿರಿಯ ನಕ್ಸಲ್​​ ವಿಜ್ಜಾ ಹತ್ಯೆಗೈದಿದ್ದಾರೆ ಎಂದು ತಿಳಿದುಬಂದಿದೆ.

ಬಿಜಾಪುರ (ಛತ್ತಿಸ್​ಗಢ): ಮಾವೋವಾದಿ ನಾಯಕ ಮೋಡಿಯಂ ವಿಜ್ಜಾನನ್ನು ತಮ್ಮದೇ ಸಮಿತಿಯ ಕಿರಿಯ ನಕ್ಸಲರು ಶುಕ್ರವಾರ ಹತ್ಯೆಗೈದಿದ್ದಾರೆ ಎಂದು ಬಸ್ತರ್​​ನ ಐಜಿಪಿ ಪಿ.ಸುಂದರ್​ರಾಜ್ ತಿಳಿಸಿದ್ದಾರೆ.

ಬಿಜಾಪುರ ಜಿಲ್ಲೆಯ ಪಶ್ಚಿಮ ಬಸ್ತರ್ ವಿಭಾಗದಲ್ಲಿ ನಡೆಯುತ್ತಿದ್ದ ನಾಗರಿಕರ ಹತ್ಯೆಗಳ ಹಿಂದೆ ವಿಜ್ಜಾ ಕೈವಾಡವಿತ್ತು. ಹಾಗಾಗಿ, ಇವನ ಬಗ್ಗೆ ಮಾಹಿತಿ ನೀಡಿದವರಿಗೆ 8 ಲಕ್ಷ ರೂಪಾಯಿ ಬಹುಮಾನ ನೀಡುವುದಾಗಿ ಈ ಹಿಂದೆ ಘೋಷಿಸಲಾಗಿತ್ತು. ಆದರೆ, ಇದೀಗ ತಮ್ಮವರಿಂದಲೇ ವಿಜ್ಜಾ ಹತ್ಯೆಯಾಗಿರುವುದು ಹಲವು ಅನುಮಾನಗಳಿಗೆ ಎಡೆ ಮಾಡಿಕೊಟ್ಟಿದೆ.

ರಾಜ್ಯದಲ್ಲಿ ಈ ಬೆಳವಣಿಗೆ ಸಾಕಷ್ಟು ಮಹತ್ವ ಪಡೆದುಕೊಂಡಿದ್ದು, ತನಿಖೆ ನಡೆಸಲಾಗುತ್ತಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿ ಸುಂದರ್​ರಾಜ್ ಹೇಳಿದ್ದಾರೆ.