1,500 ವರ್ಷ ಹಳೆಯ ವಿವಾದಿತ ಚರ್ಚ್​ ವಶಕ್ಕೆ ಪಡೆದ ಜಿಲ್ಲಾಡಳಿತ

ಹಲವು ದಶಕಗಳಿಂದ ವಿವಾದದ ಕೇಂದ್ರ ಬಿಂದುವಾಗಿದ್ದ ಎರ್ನಾಕುಲಂನ ಮುಲನ್​​ತೂರ್ಥಿ ಮಾರ್ಥೋಮನ್ ಚರ್ಚ್​​ ಅನ್ನು ಜಿಲ್ಲಾಡಳಿತ ವಶಕ್ಕೆ ಪಡೆದಿದೆ. ಅಧಿಕಾರಿ ಹಸ್ತಾಂತರಿಸುವಂತೆ ಕೇರಳ ಹೈಕೋರ್ಟ್​ ನೀಡಿದ್ದ ತೀರ್ಪಿನ ಹಿನ್ನೆಲೆ ಪೊಲೀಸರ ಸಹಾಯದಿಂದ ಜಿಲ್ಲಾಡಳಿತ ತನ್ನ ಸುಪರ್ದಿಗೆ ಪಡೆದಿದೆ.

ಕೊಚ್ಚಿ( ಕೇರಳ): ಇಲ್ಲಿನ ಎರ್ನಾಕುಲಂನಲ್ಲಿರುವ ಮುಲನ್​​ತೂರ್ಥಿ ಮಾರ್ಥೋಮನ್​ ವಿವಾದಿತ ಚರ್ಚ್​​ಗೆ ಸಂಬಂಧಿಸಿದಂತೆ ಚರ್ಚ್ ಪ್ರದೇಶವನ್ನು ಪೊಲೀಸರು ತಮ್ಮ ವಶಕ್ಕೆ ಪಡೆದಿದ್ದಾರೆ. ಚರ್ಚ್ ಅಧಿಕಾರದ ಸಂಬಂಧ ಎರಡು ಗುಂಪುಗಳ ನಡುವೆ ದಶಕಗಳ ಹೋರಾಟ ನಡೆದಿತ್ತು.

ಇನ್ನೂ ಚರ್ಚ್​ ಆಡಳಿತ ಬಿಟ್ಟುಕೊಡುವಂತೆ ಕೇರಳ ಹೈಕೋರ್ಟ್ ತೀರ್ಪು ನೀಡಿತ್ತು. ಇದರಿಂದಾಗಿ ಜಾಕೋಬೈಟ್​​ ಗುಂಪುಗಳು ಪ್ರತಿಭಟನೆಗೆ ಮುಂದಾಗಿದ್ದವು.

ಅಲ್ಲದೆ ಚರ್ಚ್​​ನೊಳಗೆ ಅಕ್ರಮವಾಗಿ ನುಸುಳಿದ್ದರು. ಇದೀಗ ಪೊಲೀಸರು ಚರ್ಚ್​​ ಗೇಟ್ ಮೂಲಕ ಒಳನುಗ್ಗಿ, ಚರ್ಚ್​ನೊಳಗಿದ್ದ ಪ್ರತಿಭಟನಾಕಾರರು ಸೇರಿದಂತೆ ಜಾಕೋಬೈಟ್​ ಚರ್ಚ್​​ನ ಟ್ರಸ್ಟಿ ಜೋಸೆಫ್ ಮಾರ್ ಗ್ರೆಗೊರಿಸ್​ನನ್ನು ವಶಕ್ಕೆ ಪಡೆದಿದ್ದಾರೆ.

ತಡರಾತ್ರಿವರೆಗೂ ಪೊಲೀಸರು ಪ್ರತಿಭಟನಾಕಾರರನ್ನು ಸ್ಥಳದಿಂದ ಕರೆದೊಯ್ಯಲು ಹರಸಾಹಸ ಪಟ್ಟಿದ್ದಾರೆ. ಬಳಿಕ ಪ್ರತಿಭಟನೆ ನಡೆಸುತ್ತಿದ್ದವರನ್ನು ಬಲವಂತವಾಗಿ ಚರ್ಚ್​​​​ನಿಂದ ಹೊರಕ್ಕೆ ಕಳುಹಿಸಲಾಗಿದೆ.

ಕೇಸ್ ಸಂಬಂಧ ಆಗಸ್ಟ್ 17ರ ಒಳಗಾಗಿ ಚರ್ಚ್ ಅ​ನ್ನು ವಶಕ್ಕೆ ಪಡೆದುಕೊಳ್ಳುವಂತೆ ಜಿಲ್ಲಾಡಳಿತಕ್ಕೆ ಕೋರ್ಟ್ ಆದೇಶ ನೀಡಿತ್ತು. ಈ ಆದೇಶದ ಹಿನ್ನೆಲೆ ಚರ್ಚ್​​ನೊಳಗಿದ್ದ ಹಲವರನ್ನು ವಶಕ್ಕೆ ಪಡೆದಿದೆ.

ಮಲಂಕಾರ ಗ್ರೂಪ್​ ಅಡಿ ಬರುವ ಎಲ್ಲ ಚರ್ಚ್​​ನ ಆಡಳಿತವನ್ನು ಆರ್ಥೋಡಾಕ್ಸ್ ಗ್ರೂಪ್​​ಗೆ ನೀಡಬೇಕು ಎಂದು 2017ರ ಜುಲೈನಲ್ಲಿ ಕೋರ್ಟ್​ ತೀರ್ಪು ನೀಡಿತ್ತು.

ಈಗಿರುವ 1,500 ವರ್ಷ ಹಳೆಯ ಮುಲನ್​​ತೂರ್ಥಿ ಮಾರ್ಥೋಮನ್​ ಚರ್ಚ್​​ ಸಹ ಮಲಂಕಾರ್​ ಗ್ರೂಪ್​​ನ ಆಡಳಿತದಡಿ ನಿಯಂತ್ರಣದಲ್ಲಿತ್ತು.