'ರಾಧೆ ರಾಧೆ! ಕೃಷ್ಣಂ ವಂದೇ ಜಗದ್ಗುರು'! ಸಂಸತ್​​ನಲ್ಲಿ ಹೇಮಾ ಮಾಲಿನಿ ಪ್ರಮಾಣ

ಸಂಸತ್​ನಲ್ಲಿ ನೂತನವಾಗಿ ಆಯ್ಕೆಯಾಗಿರುವ ಎಂಪಿಗಳು ಪ್ರಮಾಣ ವಚನ ಸ್ವೀಕರಿಸುತ್ತಿದ್ದು, ಬಿಜೆಪಿಯ ಹೇಮಾ ಮಾಲಿನಿ ವಿನೂತನವಾಗಿ ಪ್ರಮಾಣ ವಚನ ಸ್ವೀಕರಿಸಿದರು.

ನವದೆಹಲಿ: ಉತ್ತರಪ್ರದೇಶದ ಮಥುರಾ ಕ್ಷೇತ್ರದಿಂದ ಆಯ್ಕೆಯಾಗಿರುವ ಬಿಜೆಪಿ ನಾಯಕಿ ಹೇಮಾ ಮಾಲಿನಿ ಲೋಕಸಭೆಯಲ್ಲಿ ವಿಭಿನ್ನವಾಗಿ ಪ್ರಮಾಣ ವಚನ ಸ್ವೀಕಾರ ಮಾಡುವ ಮೂಲಕ ಗಮನ ಸೆಳೆದರು.

ಪ್ರಮಾಣ ವಚನದ ಬಳಿಕ ಹೇಮಾ ಮಾಲಿನಿ, ರಾಧೆ ರಾಧೆ! ಕೃಷ್ಣಂ ವಂದೇ ಜಗದ್ಗುರು ಎಂಬ ಘೋಷಣೆ ಮೊಳಗಿಸಿದ್ದಾರೆ.

ಬಾಲಿವುಡ್‌ನ ಹೆಸರಾಂತ ಹಿರಿಯ ನಟಿ ಹಾಗು ರಾಜಕಾರಣಿ 69 ವರ್ಷದ ಹೇಮಾ ಮಾಲಿನಿ, ಈ ಹಿಂದೆ ಚುನಾವಣಾ ಪ್ರಚಾರ ನಡೆಸುತ್ತಿದ್ದ ವೇಳೆ ಭತ್ತದ ಗದ್ದೆಗಿಳಿದು ಪೈರು ಕತ್ತರಿಸಿದ್ದರು. ಜತೆಗೆ ಟ್ರ್ಯಾಕ್ಟರ್​ ಓಡಿಸುವ ಮೂಲಕವೂ ಜನರ ಗಮನ ಸೆಳೆದಿದ್ದರು.