ನವದೆಹಲಿ: ನಾನು ದೇಶದ ಚೌಕೀದಾರ ಎಂದು ಹೇಳುತ್ತಿದ್ದ ಪ್ರಧಾನಿ ನರೇಂದ್ರ ಮೋದಿ ಇದೀಗ ಮೈ ಬೀ ಚೌಕೀದಾರ್ ಎಂಬ ಅಭಿಯಾನಕ್ಕೆ ನಾಂದಿ ಹಾಡಿದ್ದಾರೆ. ಟ್ವಿಟ್ಟರ್ನಲ್ಲಿ ಈ ಅಭಿಯಾನ ಸಾಕಷ್ಟು ಮನ್ನಣೆ ಪಡೆಯುತ್ತಿದೆ.
ಇದರ ಬೆನ್ನಲ್ಲೆ, ಪ್ರಧಾನಿ ನರೇಂದ್ರ ಮೋದಿ ಅವರ ತಮ್ಮ ಟ್ವಿಟ್ಟರ್ ಖಾತೆಯ ಹೆಸರನ್ನು ಚೌಕೀದಾರ್ ನರೇಂದ್ರ ಮೋದಿ ಎಂದು ಬದಲಿಸಿಕೊಂಡಿದ್ದಾರೆ. ಜತೆಗೆ ಬಿಜೆಪಿಯ ಅಧ್ಯಕ್ಷ ಅಮಿತ್ ಶಾ ಸಹ ತಮ್ಮ ಖಾತೆಗೆ ಚೌಕೀದಾರ್ ಅಮಿತ್ ಶಾ ಎಂದು ಹೆಸರಿಟ್ಟಿದ್ದಾರೆ.
ಟ್ವಿಟ್ಟರ್ ಖಾತೆ ಹೆಸರು ಬದಲಿಸಿದ ಪ್ರಧಾನಿ, ನಿಮ್ಮ ಚೌಕೀದಾರ ದೇಶದ ರಕ್ಷಣೆಗೆ ನಿಂತಿದ್ದಾನೆ. ಆದರೆ ನಾನೊಬ್ಬನೇ ಅಲ್ಲ. ಭ್ರಷ್ಟಾಚಾರ, ಸಾಮಾಜಿಕ ದಾರಿದ್ರ್ಯದ ವಿರುದ್ಧ ಹೋರಾಡುವವರೆಲ್ಲಾ ಚೌಕೀದಾರರೇ. ದೇಶದ ಪ್ರಗತಿಗಾಗಿ ಶ್ರಮ ವಹಿಸುವವರೆಲ್ಲಾ ಚೌಕೀದಾರರೇ. ಇಂದು # Main Bhi Chowkidar ಎಂದು ಭಾರತೀಯರೆಲ್ಲಾ ಹೇಳುತ್ತಿದ್ದಾರೆ ಅಂತ ಮೋದಿ ಬರೆದುಕೊಂಡಿದ್ದಾರೆ.
ಇನ್ನು ತಮ್ಮ ನಾಯಕರ ಹಾದಿಯನ್ನೇ ಅನುಸರಿಸಿರುವ ಬಿಜೆಪಿ ಮುಖಂಡರು, ಕೇಂದ್ರ ಸಚಿವರು ತಮ್ಮ ಟ್ವಿಟ್ಟರ್ ಖಾತೆ ಹೆಸರುಗಳ ಮುಂದೆ ಚೌಕೀದಾರ್ ಎಂದು ಸೇರಿಸಿದ್ದಾರೆ. ಈ ಮೂಲಕ ಕಾಂಗ್ರೆಸ್ ಟೀಕೆಗೆ ಭಾರಿ ಟಾಂಗ್ ಕೊಡುತ್ತಿದ್ದಾರೆ.