ಹೈದರಾಬಾದ್ : ಮನೆಯವರನ್ನು ಎದುರಿಸಿ ಪ್ರೀತಿಸಿ ಮದುವೆಯಾಗಿ ಜೀವನ ಸಾಗಿಸುತ್ತಿದ್ದ ಆ ಜೋಡಿಯ ಬಾಳಿನಲ್ಲಿ ವಿವಾಹೇತರ ಸಂಬಂಧದ ಬಿರುಗಾಳಿ ಎದ್ದಿದೆ. ಗಂಡ, ಮಗುವನ್ನು ಕೊಂದ ಹೆಂಡ್ತಿ ಕೊನೆಗೂ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾಳೆ.
ವೆಲೂರು ಜಿಲ್ಲೆಯ ತಾಜ್ಪೂರಾ ಮಂದವೇಲಿ ಗ್ರಾಮದ ರಾಜಾ (25) ಎಲೆಕ್ಟ್ರಿಷಿಯನ್ ಕೆಲಸಗಾರ. ಎರಡು ವರ್ಷಗಳ ಹಿಂದೆ ದೀಪಿಕಾಳನ್ನು ಲವ್ ಮಾಡಿ ಮನೆಯವರನ್ನು ಎದುರಿಸಿ ಮದುವೆ ಮಾಡಿಕೊಂಡಿದ್ದ. ಈ ದಂಪತಿಗೆ 13 ತಿಂಗಳ ಗಂಡು ಮಗು ಇದೆ. ಆದ್ರೆ ಹೆಂಡ್ತಿ ದೀಪಿಕಾ ಮತ್ತೊಬ್ಬನ ಜೊತೆ ಲವ್ವಿ-ಡವ್ವಿ ಆಟ ಶುರು ಮಾಡಿದ್ದಾಳೆ.
ಇನ್ನು ಈ ಆಟ ಬಯಲಾಗುತ್ತೆ ಎಂಬ ಭಯ ದೀಪಿಕಾಗೆ ಕಾಡಿದೆ. ಗಂಡ ರಾಜಾ ಮತ್ತು ಮಗ ಪ್ರಿನಿಷ್ನನ್ನು ಕೊಲೆ ಮಾಡಲು ಸ್ಕೆಚ್ ಹಾಕಿದ್ದಾಳೆ. ಅದರಂತೆ ಇಬ್ಬರನ್ನು ಬರ್ಬರವಾಗಿ ಕೊಲೆ ಮಾಡಿ ಹೂತಾಕಿದ್ದಳೆ. ಬಳಿಕ ದೀಪಿಕಾ ಈ ತಿಂಗಳು 13ರಂದು ಗಂಡ, ಮಗು ಕೆಲ ದಿನಗಳಿಂದ ನಾಪತ್ತೆಯಾಗಿದ್ದಾರೆ ಎಂದು ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸಿದ್ದಾಳೆ.
ಪೊಲೀಸರು ತನಿಖೆ ಆರಂಭಿಸಿದ್ದರು. ಬಳಿಕ ಪೊಲೀಸರು ದೀಪಿಕಾಳನ್ನು ವಿಚಾರಣೆ ನಡೆಸಿದ್ದಾರೆ. ಈ ವೇಳೆ ದೀಪಿಕಾ ಗೊಂದಲದ ಹೇಳಿಕೆಗಳನ್ನು ನೀಡಿದ್ದಾಳೆ. ಪೊಲೀಸರು ತಮ್ಮದೇ ಸ್ಟೈಲ್ನಲ್ಲಿ ವಿಚಾರಣೆ ನಡೆಸಿದಾಗ ಕೊಲೆಯ ರಹಸ್ಯ ಬಯಲಾಗಿದೆ. ಗಂಡ, ಮಗುವನ್ನು ಕೊಲೆ ಮಾಡಿ ಮುಚ್ಚಾಕಿರುವ ಸ್ಥಳವನ್ನು ಆರೋಪಿ ದೀಪಿಕಾ ಪೊಲೀಸರಿಗೆ ತೋರಿಸಿದ್ದಾಳೆ. ಇನ್ನು ಪೊಲೀಸರು ದೀಪಿಕಾ ಮತ್ತು ಆತನ ಬಾಯ್ಫ್ರೆಂಡ್ನನ್ನು ಬಂಧಿಸಿ ವಿಚಾರಣೆ ಮುಂದುವರೆಸಿದ್ದಾರೆ.