ಕರ್ನೂಲ್ (ಆಂಧ್ರಪ್ರದೇಶ):ಆಂಧ್ರಪ್ರದೇಶದ ಕರ್ನೂಲಿನ 8 ವರ್ಷದ ಬಾಲಕ ಯುರೋಪಿನ ಅತಿ ಎತ್ತರದ ಶಿಖರ ಮತ್ತು ಪ್ರಪಂಚದ ಅತ್ಯಂತ ಎತ್ತರದ ಏಳು ಶಿಖರಗಳಲ್ಲಿ ಒಂದಾದ ಮೌಂಟ್ ಎಲ್ಬ್ರಸ್ ಏರುವ ಮೂಲಕ ಸಾಧನೆಗೈದಿದ್ದಾನೆ. ಈತ ಈ ಶಿಖರ ಏರಿದ ಅತ್ಯಂತ ಕಿರಿಯ ವ್ಯಕ್ತಿ ಎಂಬ ಹೆಗ್ಗಳಿಕೆಗೂ ಪಾತ್ರನಾಗಿದ್ದಾನೆ.
ಗಂಧಮ್ ಭುವನ್ ಜೈ ಎಂಬ ಬಾಲಕ ಸೆಪ್ಟೆಂಬರ್ 18 ರಂದು ಮೌಂಟ್ ಎಲ್ಬ್ರಸ್ (5642 ಮೀಟರ್) ಶಿಖರವನ್ನು ಇತರ ಇಬ್ಬರು ಪರ್ವತಾರೋಹಿಗಳ ಜತೆ ತಲುಪಿದ್ದಾನೆ. ವೈಜಾಗ್‌ನ ಅನ್ಮಿಶ್ ವರ್ಮ ಮತ್ತು ಅನಂತಪುರದ ಗ್ರಾಮೀಣ ಅಭಿವೃದ್ಧಿ ಟ್ರಸ್ಟ್‌ನ (ಆರ್‌ಡಿಟಿ) ಕ್ರೀಡಾ ತರಬೇತುದಾರ ಕೆ.ಶಂಕರಯ್ಯ ಅವರು ಜೈಗೆ ಸಾಥ್ ನೀಡಿದ್ದಾರೆ.