- उत्तराखंड मा कोरोना की रफ्तार मा आई कमी:उत्तराखंड मा अब कोरोना की रफ्तार मा कमी दिखेणी च, आज रविवार का दिन प्रदेश मा कोरोना का 66 नया मरीज मिलिन, वखि पिछला 24 घंटा मा एक मरीज नाअपणि जान ग्वे, जैका बाद उत्तराखंड मा कुल 982 एक्टिव केस छिन, वखि जनवरी बटि अब तक कुल 91,289 लोग कोरोना से संक्रमित ह्वेनि.
2. उत्तराखंडी तीन छात्र यूक्रेन बटि सुकशल लौटिन स्वेदश:रुस-यूक्रेन युद्ध का बीच भारत सरकार कू यूक्रेन मा फंसया छात्रों थै स्वदेश लाणा कू अभियान तेज, उत्तराखंड सरकार ना 226 उत्तराखड़ियों की सूची विदेश मंत्रालय थै करि सुपुर्द, जैका बाद उत्तराखंड का तीन छात्र सकुशल लौटिंन दिल्ली, मुख्यमंत्री पुष्कर सिंह धामी ना पीएम मोदी कू जतै आभार.
3. राजभवन मा लोकपर्व फूलदेई की तैयरी तेज: उत्तराखंड का राजभवन मा लोकपर्व फूलदेई की तैयरी शुरू, आठ और नौ मार्च का दिन उत्तराखंड राजभवन मा होलु वंसतोत्सव कू आयोजन. गर्वनर लेफ्टिनेंट जनरल गुरमीत सिंह ना अधिकारियों थै देनि निर्देश, वसंतोत्सव मा रंग बिरगा फूलों से सजे जालु राजभवन.
अपणुं उत्तराखंडः दिनभरै खास खबर, एक नजर मा. 4. उत्तराखंड मा बर्फबारी और बारिश कू दौर जारी:उत्तराखंड मा एक बार फिर मौसम ना बदली करवट, उच्चहिमालयी क्षेत्रों मा बर्फबारी और निचला क्षेत्रों मा बारिश कू दौर जारी. चकराता और त्यूणी मोटरमार्ग मा 4 से 5 फुट जमी ह्यूं, ठंड मा दुबारा दे दस्तक, बर्फबारी से पहाड़ी इलाकों में जनजीवन अस्त व्यस्त.
5. पौड़ी जिला पंचायत अध्यक्ष ना एडीओ पर लगैन गंभीर आरोप: पौड़ी जिला पंचायत अध्यक्ष शांति देवी ना एडीओ पर लगैन गंभीर आरोप, शांति देवी ना बोलि- कार्यभार मिन का बाद से ही एडीओ ना विकासकार्यों मा करिन कई अनियमितताएं, चेतावनी का बाद भी एडीओ पौड़ी तेज सिंह की मनमानी जारी. वखि, एडीओ ना जिला पंचायत अध्यक्ष का सबि आरोपों थै बताई निराधार.
6. जितेंद्र नारायण सिंह त्यागी की रिहाई थै लेकि संतों की दिल्ली पदयात्रा:धर्मनगरी हरिद्वार बटि संतों ना जितेंद्र नारायण सिंह त्यागी की रिहाई थै लेकि शुरू करि दिल्ली की पदयात्रा, दिल्ली पौंचि महात्मा गांधी का समाधि स्थल राजघाट मा अब आमरण अनशन करला सबि संत, स्वामी यति नरसिंहानंद समेत हिमाचल बटि हरिद्वार पौंच्या दिव्यांग योगी ज्ञाननाथ भी पदयात्रा मा शामिल.
7. पिथौरागढ़ मा पत्रकार की गिरफ्तारी पर देहरादून मा प्रदर्शन: सीमांत जनपद पिथौरागढ़ मा पत्रकार की गिरफ्तारी थै लेकि देहरादून मा प्रदर्शन तेज, एसएफआई और भाकपा माले का कार्यकर्ताओं ना गांधी पार्क देहरादून मा पिथौरागढ़ पुलिस का खिलाफ करि जोरदार नारेबाजी, प्रदर्शनकारियों ना एसपी लोकेश्वर सिंह का निलबंन और पत्रकार किशोर कुमार की रिहाई की करि मांग.
8. जसपुर मा डबल मर्डर से फैली सनसनी: रविवार का दिन डबल मर्डर से जसपुर मा फैली सनसनी, मोहल्ला नत्था मा एक युवक ना बेरहमी से अपणि पत्नी और सास की गला रेतकर करि हत्या, जैका बाद आरोपी सानू मौका बटि फरार, सूचना का बाद पुलिस आरोपी की धरकपड़ मा जुटीं, अवैध संबंधों का चलदा आरोपी ना हत्याकांड दे अंजाम.
9. जंगली सुअर ना बुजुर्ग पर करि हमला:बागेश्वर मा जंगली जानवरों कू आतंक जारी, आज सुबेर मालता ढूंगा गौं मा खेत मा बकरा चराण ग्यां बुजुर्ग पर जंगली सुअर ना करि हमला, ये हमला मा बुजुर्ग गंभीर रूप से घायल, आनन-फानन मा गौं वलों ना घायल से थै पौंचाई अस्पताल, हालत नाजुक.
10. हरिद्वार मा कांवड़ यात्रा से बड़ी रौनक: धर्मनगरी हरिद्वार मा इनदिनों कांवड़ यात्रा की धूम दिखेणी च, बड़ी संख्या मा गंगाजल लिणा खुण हरिद्वार पौंचणा छिन कांवड़ियां, कांवड़ियों की आमद से हरकी पैड़ी और आसपास का बाजारों मा राति भी दिखेणी खूब रौनक, भगवान शिव का भजनों पर खूब नचणा छिन कांवड़ियों, बम भोले का जयकारों से गुंजायमान हुईंच धर्मनगरी.
