अपणुं उत्तराखंड: दिनभरै की खास खबर, एक नजर मा

दिनभरै की खास खबर, एक नजर मा

बीजेपी राष्ट्रीय अध्यक्ष जेपी नड्डा कू उत्तराखंड दौरा:बीजेपी का राष्ट्रीय अध्यक्ष जेपी नड्डा आज अपणा द्वि दिवसीय दौरा पर उत्तराखंड पहुंचिन, जौलीग्रांट एयरपोर्ट पर मुख्यमंत्री धामी और केंद्रीय रक्षा राज्य मंत्री अजय भट्ट न जेपी नड्डा कू स्वागत करि. जैका बाद मुख्यमंत्री धामी और जेपी नड्डा चमोली का देवाल ब्लॉक कू सैन्य गौं सवाड़ पहुंचिन और यख बटि द्वियों ना शहीद सम्मान यात्रा की शुरुआत करि.

बीजेपी की कोर कमेटी की बैठक: बीजेपी का राष्ट्रीय अध्यक्ष जेपी नड्डा आज उत्तराखंड का दौरा पर छिन, अल्मोड़ा पहुंची जेपी नड्डा पिथौरागढ़ और बागेश्वर जिलों की 12 विधानसभाओं की कोर बैठक लिणा छिन, यिं बैठक मा सभी कार्यकर्ता आगामी विधानसभा चुनौ मा पार्टी मा जोश भुना काम करला. बैठक मा मुख्यमंत्री धामी, प्रदेश अध्यक्ष मदन कौशिक, केंद्रीय रक्षा राज्य मंत्री अजय भट्ट समेत कई मंत्री और विधायक मौजूद छिन.

पुरानी पेंशन बहाली की मांग थै लेकि कर्मचारियों कू सचिवालय कूच:राजधानी देहरादून मा पुरणी पेंशन बहाली की मांग थै लेकि कर्मचारियों ना आज सचिवालय कूच करि. वखि पुलिसकर्मियों ना प्रदर्शनकारियों थै सचिवालय से पैलि बैरिकेडिंग लगेकि रोक दया. जैका बाद परेड ग्राउंड मा राज्य का तमाम कर्मचारियों ना एक विशालसभा कू आयोजन करि और सब्युं थै अपणि मांगों थै लेकि एकजुट हुणा कू आह्वान करि.

हिंदू संगठन का कार्यकर्ताओं ना सलमान खुर्शीद का घौर पर लगै आग:पूर्व केंद्रीय मंत्री सलमान खुर्शीद की हालिया किताब पर विवाद थमणा कू नाम नि लिणु च, यन मा आक्रोशित हिंदू संगठन का कार्यकर्ताओं ने नैनीताल का मुक्तेश्वर स्थित खुर्शीद का आवास पर आगजनी और पत्थरबाजी करि. जैका बाद पुलिसन मौका पर पहुंचि ये मामला थै शांत करै.

आप कू किसान संकल्प यात्रा कू आगाज: आम आदमी पार्टी का पंजाब सांसद भगवंत मान आज उधम सिंह नगर का दौरा पर छिन, यख पौंचि भगवंत मान ना किसान संकल्प यात्रा कू आगाज करि, येसे पैलि भगवंत मान ना काशीपुर मा किसान संकल्प पत्र कू विमोचन भी करि. ऊन बोली- आप की सरकार बणना का बाद तीन काला कृषि कानून उत्तराखंड मा लागू नि किये जाला.

गढ़वाल रेंज मा 14 पुलिस इंस्पेक्टरों कू किये ग्या ट्रांसफर: आगामी विधानसभा चुनाव का मद्देनजर उत्तराखंड पुलिस मा तबादलों कू दौर जारी च, आज गढ़वाल आईजी ना गढ़वाल रेंज मा तैनात 14 इंस्पेक्टरों कू तबादला आदेश जारी करि, यि सभी इंस्पेक्टर अपण अपण जनपदों में पिछला तीन साल से तैनात छाई. जौंकू अब अन्य जिला मा ट्रांसफर किये ग्या.

विकासनगर तिमली रेंज मा हाथियूं कू उत्पात:विकासनगर की तिमली रेंज मा हाथियूं ना बिता दिन काफी उत्पात मचाई. यख कुल्हाड़ क्षेत्र मा बणि वन चौकी थै हाथियूं ना तहस-नहत कयालि. साथ ही यख हाथियूं मा वन विभाग कि एक दीवार थै भि भारी नकुसान पहुंचाई, हालांकि, ये घटना मा कै भि वन कर्मचारी थै कुई चोट नि ऐ.

मनीष सिसौदिया कू उत्तराखंड दौरा: दिल्ली का उप मुख्यमंत्री मनीष सिसोदिया भोल और परस्यू यानि 16 और 17 नवंबर मा उत्तराखंड का दौरा पर राला. ये दौरान वु देहरादून में व्यापारियों दगणि बात करला. वखि अगला दिन ऊंकू उत्तरकाशी मा नेहरू पर्वातारोहण संस्थान कू दौरा प्रस्तावित च.

बलूनी ना उत्तराखंड मा हावी अफसरशाही पर जतै चिंता:राज्यगठन से अबतक उत्तराखंड मा अफसरशाही ही हावी रै, येकी तस्दीक समय-समय पर हुण वलि नेताओं की बयानबाजी भी करदिन. वखि, बीजेपी का राष्ट्रीय मीडिया प्रभारी और सांसद अनिल बलूनी ना भी बेलगाम अफसरशाही थै लेकि चिंता जाहिर करि, ऊन बोली कि नौकरशाही हावी हुण से राज्य कू विकास प्रभावित हुंदु च. अगर अबभी अधिकारी नि संभला च ऊंका खिलाफ सरकार सख्त एक्शन लेली.

दिवाली का बाद देहरादून की आबोहवा भी खराब:देश की राजधानी दिल्ली मा वायु प्रदूषण थै लेकि जगा जगा चर्चा हुणी च, लेकिन राजधानी देहरादून की आबोहवा भी इनदिनों कम खराब नि च, प्रदूषण नियंत्रण बोर्ड का मुताबिक, देहरादून मा दिवली का बाद से वायु प्रदूषण तेजी से बढ़यू च, जैसे लौखु थै सांस लिणा मा दिक्कत आणी च.