- भारत मां वैक्सीन थै मंजूरी
देश मां भारत बायोटेक और सीरम की कोरोना वैक्सीन थै डीसीजीआई न मंजूरी दियेली. जैका का बाद पीएम मोदी न देशवास्य़ूं थै बधाई दिनी. पीएम मोदी बोली कि ये टीका की मंजूरी से भारत कोरोना मुक्ति मां एक कदम और अगनै बढ गी.
- किसानुं कु आंदोलन 39वां दिन भी जारी
दिल्ली मां किसानुं कु आंदोलन 39वां दिन भी जारी च. किसान लगातार अपणी मांगु थै लेकी प्रदर्शन कन्ना छन. ये दौरान किसानु न सरकार थै चेतावनी दिनी की अगर उंकी मांग न मनै जाली त 26 जनवरी कु सबी किसान ट्रैक्कटर परेड निकलला.. वखी, किसान आंदोलन मां लगातार किसानुं की मौत की भी खबर समणिं औंणी छन
- प. बंगाल दौरा पर जाला अमित शाह
प. बंगाल मां होंण वाला विधानसभा चुनाव थै लेकी बीजेपी न अबी बटी कमर कसेली. पार्टी न यख 200 से ज्यादा सीट लौंणों लक्ष्य रख्यूं च. पार्टी का ये लक्ष्य थै साकार कन्नौ ये मैना फिर से गृहमंत्री अमित शाह बंगाल जाला. यां का अलावा पार्टी अध्यक्ष जेपी नड्डा भी मैना का अंत मां प. बंगाल दौरा पर राला.
- सौरभ गांगुली की हालत स्थिर
BCCI की अध्यक्ष और पूर्व क्रिकेटर सौरभ गांगुली थै ब्लाली सीना मां पीड़ा होंणा बाद अस्पताल मां भर्ती करये गी छौ. 24 घंटा बाद डॉक्टरूं न उंका स्वास्थ्य की जानकारी दिनी. वुडलैंडस अस्पताल का डॉक्टरूं का हिसाब से अभी सौरभ गांगुली की हालत स्थिर च. फिलहाल वु कै भी खतरा से भैर छन.
- भारत मां लॉन्च होलूं प्लेस्टेशन 5
भारत मां अब जल्द ही प्लेस्टेशन कु इंतजार खत्म होंण वालू च. अब जल्द ही भारतीय गेमर्स सोनी का प्लेस्टेशन 5 थै खरीद सकला. प्लेस्टेशन 5 भारत मां द्वी फरवरी कु लॉन्च होलू. यां की प्री बुकिंग 12 जनवरी बटी कर सकदन
- उत्तराखंड मां कोरोना कु कहर
उत्तराखंड मां कोरोना कु कहर लगातर बढ़दू ही जांणु च. ब्याली प्रदेश मां कोरोना का 263 नया मामला समणि एनी. जैका का बाद प्रदेश मा कोरोना संक्रमितुं की संख्या 91,544 पौंछि गी. जबकि यां से मन्न वालौं की संख्या 1522 ह्वे गी. कोरोना का बढदा मामलों से सरकार और स्वास्थ्य विभाग चिंतित च.
- वैक्सीनेशन का ड्राई रन थै दून मां पांच सेंटर
देशभर मां कोरोना वैक्सीन का ड्राई रन का बाद देहरादून मां भी वैक्सीनेशन कु काम करे गी. सबसे पैली देहरादून का गांधी शताब्दी अस्पताल मां यां कु ड्राई रन करे गी. पैली दिन 13 लोखुं पर यांकु ट्रायल करे गी. फिलहाल ट्रायल का तौर पर राजधानी देहरादून मां यां कु पांच सेंटर बणयां छन. प्रदेश का बाकी जिलों मां भी ड्राई रन किये जांणू च.
- खाई मां गिरी ट्रक, 1 की मौत
ब्याली रात रुद्रप्रयाग मां जवाडी एक समणिं एक ट्रक अनियंत्रित ह्वे की खाई मा गिर गी. ई घटना मां एक व्यक्ति की मौत ह्वे गी, जबकि द्वी लोग गंभीर रूप से घायल ह्वे गिन. मौका पर मौजूद लोखुं की मदद से पुलिस न घायलुं कु रेस्क्यू करी. जैका बाद उंथै जिला अस्पतला मां भर्ती करये गी.
- अमित कुमार हत्याकांड कु खुलासा
हल्द्वानी पुलिस न आज काठगोदाम का अमित कुमार हत्याकांड का खुलासा करेली. पुलिस न बथै की अमितै हत्या प्रेम प्रसंगा का करण ह्वे. अमितौ पड़ोस मां रौंण वाली एक महिला दगड़ी प्रेम प्रसंग चन्नु छौ. जैसे नाराज ह्वे की महिला का पति हऱीश पंत न अमितै गोली मारी हत्या करी.
- प्रदेश मां बद्ल्यूं- बद्ल्यं रै मौसम
प्रदेश मा आज सुबेर बटी ही मौसम बद्ल्यूं- बद्ल्यूं रै. जैका कारण प्रदेश का अलग-अलग हिस्सों मां बरखा भी ह्वै. रामनगर और हल्द्वानी मां भी सुबेर बटी बरखा लगी रै. जैका कारण यख ठंड बढ़ गी. वखी मौसम विभाग न पहाड़ी इलाकुं मां बरखा और बर्फबारी कु अंदेशा जतै. जैका कारण येलो अलर्ट जारी च.
