अपणुं उत्तराखंड: दिनभरै खास खबर, एक नजर मा

देश और प्रदेश की खास खबरुं पर एक नजर फटाफट अंदाज मां

• देश मा कोरोना कु कहर

देश मा लगातार कोरोना कु कहर बढदू जांणू च. भारत मा अब तक कोरोना का 41, 13, 811 मामला समणि ए गिन. जबक या से मन्न वालौ की सख्यां 70, 626 पौंछि गी. देश मा हर रोज कोरोना का मामला लगातार बढ़णा छन. देशभर मां पिछला 24 घंटा मा कोरोना का 89 हजार नया मामला समणि एनी.

• शिक्षा नीति पर गवर्नर कॉन्फ्रेंस

सोमवारौ राष्ट्रीय शिक्षा नीति 2020 थै लेकी शिक्षा मंत्रालयन एक कॉन्फ्रेंस कु आयोजन कर्यूं च. जैका उद्घाटन सत्र थै ऱाष्ट्रपति रामनाथ कोविंद और पीएम मोदी संबोधित कल्ला. ई कॉन्फ्रेंस मां राष्ट्रीय शिक्षा नीति 2020 की भूमिका तय करे जांण.

• आधा दर्जन सांसद लै सकदन जनसंख्या कानून नियंत्रण कानून

देश मां जनसंख्या कानून नियंत्रण बणौणै मांग जोर पकड़नी च. ये मामला मा एक बिल भी लंबित च . जै थै ये मॉनसून सत्र मा इबरी आधा दर्जन से अधिक सांसद लै सकदन. बीजेपी का सूत्रूं बटी या जानकारी समणि ए.

• एनआईए से जांच कन्नै मांग

भाजपा न अभिनेता सुशांत सिंह की मौत मामला मा ड्रग नेटवर्क और अंडरवर्ड का भूमिका कु पता लगौणों एनआईए से यां की जांच कन्नै मांग करी. भाजपा महासचिव पी मुरलीधर राव न बोली कि ये मामला मा ड्रग, अंडरवर्ड और आतंकी नेटवर्क शामिल छन.

• भीलवाड़ा मा एक भयंकर हादसा

राजस्थान का भीलवाड़ा मा एक भयंकर हादसा ह्वे. यख एक ट्रेलर और वैन भिड़त मां सात लोखुं की मौत ह्वे गी. यू हादसा शनिवार देर रात बिजौलिया का केसरपुर मोड़ पर ह्वे.

• उत्तराखंड मां लगातार बढ़णा कोरोना का मामला

उत्तराखंड मां भी कोरोना कु कहर कम नी होंणू च. प्रदेश मा अब तक कोरोना संक्रमितु कु आंकड़ा 23, 961 का पार पौंछि गी. जब यां से मन्न् वालौ की संख्या 330 च. सरकार और स्वास्थ्य विभाग कोरोना का लगातार बढ़दा मामलौ थौ रोकणौ लगातार कदम उठौणा छन.

• सर्राफा कोरोबार्यूंन कु बड़ू फैसला

प्रदेश मा कोरोना का बढ़दा मामलौ का बाद राजधानी का सर्राफा कोरोबार्यूंन बड़ू फैसला लिनी. सर्राफा कोरोबार्यूंन न हफ्ता मां द्वी दिन दुकान बंद रखणौं फैसला करी. सर्राफा यूनियन का ये फैसला की लोग ताऱीफ छन कन्ना

• ईज ऑफ डूइंग बिजनिस मां 11 वां पायदान पर उत्तराखंड

ईज ऑफ डूइंग बिजनिस रैंकिग मां उत्तराखंडन बड़ी छलांग लगैय ये मामला मा अब उत्तराखंड 11वां पायदान पर पौंछि गी. यु आंकडा राज्यूं मा कोरोबार का माहौल थै देखी दिये जांदन. ई रैंकिग से पता चलदू की कु राज्य व्यापार कन्नौ थै कथा अच्छू च.

• भाजपा विधायक महेश नेगी की मुश्किल बढीन

यौन शोषण मामला मा भाजपा विधायक महेश नेगी की मुश्किल बढदी जांणी छन. अब ये मामला मा विधायक और उंकी पत्नी का खिलाफ नेहरू कॉलोनी थाना मा केस दर्ज करे गी. यू केस देहरादून कोर्ट का आदेशुं का बाद दर्ज करेगी.

• इंजीनियर न बणौ अल्ट्रावॉयलेट सेनिटाइजेशन बॉक्स

रामनगर का एक इंजिनियर न अल्ट्रावॉयलेट सेनिटाइजेशन बॉक्स तैयार करी. ये बॉक्स से कोरोना समेत अन्य सभी वायरस 99.99 प्रतिशत खत्म करे जै सकदन. यां से रुप्या, फाइल और रो काम मां औंण वाला जरुरू उपकरणूं थै सेनिटाइज करे जै सकदन.