उत्तराखंड

uttarakhand

ETV Bharat / state

अपणुं उत्तराखंडः दिनभरै खास खबर, एक नजर मा - पहाड़ी समाचार उत्तराखंड

मंत्रोच्चार का दगणि खोले गिन बाबा केदार का कपाट, सीएम धामी ना सपत्नीक पर बाबा केदार कू रुद्राभिषेक, जोत सिंह विष्ट का इस्तीफा से कांग्रेस थै लगि झटका, चंपावत चुनौ मा निर्मला गहतोड़ी देलि सीएम थै टक्कर, हरदा ना माननीयों थै द्याई चारधाम यात्रा कू न्योता, एलटी चयनित अभ्यर्थियों कू सचिवालय कूच.. पैढ़ा यनि दिनभरै खास खबर बस एक क्लिक मा.

UTTARAKHAND BULLETIN IN GARHWALI
अपणुं उत्तराखंडः दिनभरै खास खबर, एक नजर मा

By

Published : May 6, 2022, 7:01 PM IST

Updated : May 6, 2022, 9:43 PM IST

1. मंत्रोच्चार का दगणि खोले गिन बाबा केदार का कपाट:हर हर महादेव का का जयकारों का बीच आज सुबेर 6 बजिकि 25 मिनट पर विधिविधान का साथ श्रद्धालुओं का दर्शनार्थ खोले गिन बाबा केदार का कपाट, केदारनाथ धाम का कपाट खुना का बाद पीएम मोदी का नाम किये ग्या पेलि पूजा, 20 हजार से ज्यादा श्रद्धालु बणिन साक्षी.

2. सीएम धामी ना सपत्नीक पर बाबा केदार कू रुद्राभिषेक: बाबा केदार का कपाटोद्घाटन पर सीएम धामी सपत्नीक पौचिन केदारनाथ धाम, प्रथम रुद्राभिषेक पूजा दगणि सीएम धामी ना प्रदेश की समृद्धि और खुशहाली की बाबा केदार से करि कामना. हजारों की संख्या मा बाबा केदार का दर्शना खुण धाम मा पौंच्या छिन श्रद्धालु.

अपणुं उत्तराखंडः दिनभरै खास खबर, एक नजर मा

3. जोत सिंह बिष्ट का इस्तीफा से कांग्रेस थै लगि झटका: उत्तराखंड कांग्रेस को फिर लगि बड़ू झटका, वरिष्ठ कांग्रेस नेता और प्रदेश प्रवक्ता जोत सिंह बिष्ट ना अपणा बेटा हिम्मत सिंह बिष्ट दगणि पार्टी का सभी पदों से द्याई इस्तीफा, वखि बिष्ट का इस्तीफा पर हरीश रावत ना द्याई प्रतिक्रिया, बोली- अगर कुई नाराजगी होली, त जल्द बातचीत से किये जालि दूर.

4. चंपावत चुनौ मा निर्मला गहतोड़ी देलि सीएम थै टक्कर:कांग्रेस ना चंपावत उपचुनाव खुण करि अपणा प्रत्याशी कू नौ घोषित, पूर्व कांग्रेस जिला अध्यक्ष निर्मला गहतोड़ी थै कांग्रेस ना बणाई उम्मीदवार, सीएम पुष्कर सिंह धामी थै चंपावत चुनौ मा निर्मला गहतोड़ी देलि सीधी टक्कर.

5. हरदा ना माननीयों थै द्याई चारधाम यात्रा कू न्योता:पूर्व मुख्यमंत्री हरीश रावत ना चारधाम यात्रा खुण राष्ट्रपति, उपराष्ट्रपति समेत प्रधानमंत्री मोदी थै केदारनाथ आणु कू दे न्योता, बोली- यख ऐकि यूं महानुभावों थै लगाण चैंदु ध्यान, केदारनाथ मा बणि छिन ध्यान गुफा.

6. एलटी चयनित अभ्यर्थियों कू सचिवालय कूच:अपणि मांगों थै लेकि आज राजधानी देहरादून मा सहायक अध्यापक एलटी चयनित अभ्यर्थियों ना परेड ग्राउंड बटि करि सचिवालय कूच, पुलिस ना सचिवालय पौचण से पेलि प्रदर्शनकारियों थै बैरिकेडिंग लगेकि रोकी, 4 माह महीना बटि कोर्ट मा विचारधीन च परीक्षा परिणाम कू मामला.

7. मनीष सिसोदिया ना बिष्ट थै दिलाई आप की सदस्यता: उत्तराखंड कांग्रेस का प्रेदश उपाध्यक्ष जोत सिंह बिष्ट मा इस्तीफा दिणा का बाद दिल्ली मा आम आदमी पार्टी की सदस्यता करि ग्रहण, अपणा बेटा हिम्मत सिंह बिष्ट दगणि पार्टी मा ह्वेनि शामिल, बाप -बेटा थै उपमुख्यमंत्री दिल्ली मनीष सिसोदिया ना दिलाई आप की सदस्यता.

8. 34 लाख की स्मैक दगणि द्वि आरोपी गिरफ्तार:नशा का खिलाफ चलया अभियान में उत्तराखंड पुलिस थै मिली बड़ी सफलता, जख उधमसिंह नगर मा पुलभट्टा थाना पुलिस ना 30 लाख रुपया कीमत की स्मैक दगणि सप्लायर थै करि गिरफ्तार, वखि सहसपुर पुलिस ना भि 4 लाख 16 हजार रुपया की स्मैक दगणि एक आरोपी थै करि गिरफ्तार.

9. गोलबारी कांड कू मुख्य आरोपी कांग्रेस नेता गिरफ्तार: बाजपुर मा पैसों का लेनदेन मा ह्वे गोलीबारी का मामला मा पुलिस ना मुख्य आरोपी कांग्रेस का पूर्व सचिव अनिवाश शर्मा सहित एक अन्य आरोपी थे करि गिरफ्तार, आरोपियों से घटना मा प्रयुक्त हथियार भी बरामद, वखि ये मामला मा शामिल चार आरोपी चना छिन फरार, जौकि गिरफ्तारी खुण लगातार दबिश दिणी च पुलिस.

10. तृतीय केदार भगवान तुंगनाथ का खुलिन कपाट:पंच केदारों मा तृतीय केदार का नौ से विश्व विख्यात भगवान तुंगनाथ धाम का कपाट विधिविधान का दगणि आज दोपहर 1 बजि खोले गिन, ये मौका पर करीब 10 क्विंटल फूलों से सज्यू छाई भगवान तुंगनाथ कू मंदिर, कपाट खुना का मौका पर श्रद्धालुओं का जयकारों से गुंजायमान ह्वाई तुंगनाथ धाम.

Last Updated : May 6, 2022, 9:43 PM IST

ABOUT THE AUTHOR

...view details