अपणुं उत्तराखंडः दिनभरै 10 खबर, एक नजर मां

एक नजर मां देखा, प्रदेशभरै 10 बड़ी खबर.

कृषि मंत्री सुबोध उनियालन दिनी सवालूं कु बेबाक जवाब
राज्य स्थापना दिवसा मौका पर ईटीवी भारता रिपोर्टरनों कृषि मंत्री सुहबोध उनियाल दगडि करी खास बातचीत, पांच रिपोर्टरुं और कैमरा का समणि मंत्री जी न दिनी सवालूं कु बेबाक जवाब, बोली सरकार प्रदेशा हालात सुधरनौं करनी च लगातार प्रयास

नोटबंदी का तीसरी बरसी, कांग्रेसन फूंकी केंद्र सरकार कु पुतला
नोटबंदी का तीसरी बरसी का मौका पर कांग्रेस कार्यकर्ता उन जतै अपणु गुस्सा, हल्द्वानी मां केंद्र सरकार कु फूंकी पुतला, दरअसल, ठीक तीन साल पैली 8 नवबंर 2016 मां प्रधानमंत्री नरेंद्र मोदीन करि छा 500 औऱ एक हजारै रुप्या का नोट बंद

राम मंदिर पर जल्द औलू फैसला, उधम सिंह नगर मां अलर्टअयोध्या राम मंदिर का मामला मां जल्द ही सुप्रीम कोर्ट अपणु फैसला सुणांलु, सुरक्षा का वास्ता उधम सिंह नगर मां पुलिस अलर्ट च, एसएसपी बरिंजर सिंहन पूरु जिला पुलिस फोर्स तै अलर्ट रैणू बोली

कांग्रेस विधायक तै जान से मनै कोशिश
अगस्त्यमुनि क्षेत्र के बाड़व गांव मां एक कार्यक्रम में पौछिन केदारनाथ विधायक मनोज रावत, जख उं पर एक युवकन पेट्रोल छिड़कनै कोशिश करी ,पेट्रोल छिड़कन से पैली विधायका गनरन आरोपी बटी जरकिन छीनी. जै का बाद युवक मौका पर बटी फरार ह्नै गी.

पिथौरागढ़ उपचुनाव मां भाजपा तैयार
पिथौरागढ़ उपचुनाव थै लेकर दुया मुख्य दलुं कसी कमर, अपण-अपण जीत कु करी दावा, बीजेपी तरफां बटि दिवंगत प्रकाश पतं की पत्नी लड़नी छन चुनाव

वीर चंद्र सिंह गढ़वाली थै भारत रत्न दैणें मांग
उत्तराखंड कांग्रेस पूर्व अध्यक्ष किशोर उपाध्याय न रखी पेशावर कांड का नायक वीर चंद्र सिंह गढ़वाली थै भारत रत्न दैणें मांग, राज्य स्थापना दिवस का मौका पर सेवा दल गैरसैंण तक पैदल यात्रा करी कना चा स्थायी राजधानी बनाणी की मांग.

त्रिवेंद्र सरकारै शव यात्रा
प्रदेश मा लचर स्वास्थ्य सेवा, फीस बढ़ोत्तरी, बेरोजगारी और महंगाई थै लेकि कांग्रेस कार्यकर्ताओं न त्रिवेंद्र सरकार का खिलाफ खोली मोर्चा, शव यात्रा निकाली दर्ज करै अपणु विरोध

एनएसयूआईन लगै केंद्रीय गढ़वाल विश्वविद्यालय पर गंभीर आरोप
देहरादून मा एनएसयूआई छात्र संगठन से जुड़यां छात्रों न केंद्रीय गढ़वाल विश्वविद्यालय पर लगैन गंभीर आरोप, मानव संसाधन मंत्री निशंक, उच्च शिक्षा मंत्री और कुलपति कु फूंक पुतला, शुल्क वृद्धि थे लेकी छात्रों में आक्रोश

इगान मेरू गौं कार्यक्रम मां पौड़ी पौंछिन संबित पात्रा
इगास मेरू गौं कार्यक्रम का तहत बीजेपी का राष्ट्रीय प्रवक्त संबित पात्रा और विधानसभा अध्यक्ष प्रेमचंद अग्रवाल राज्यसभा सांसद अनिल बलूनी का गौं पौंछिन, जख ऊन गाय पूजा मां भाग लै. गौं वलूं ऊन स्वागत भी करि, ये मौका पर गौंवालूं अपणी समस्या ऊंतै बतै.

फिल्म उद्योग पर त्रिवेंद्र सरकारौ जोर
उत्तराखंड स्थापना दिवसा मौका पर मसूरी मा ह्ववे फिल्म कॉन्क्लेव कु आयोजन, केंद्रीय मंत्री स्मृति ईरानी और सीएम त्रिवेंद्र रावतं करी संयुक्त रूप से कार्यक्रम कु उद्घाटन, प्रदेश मां फिल्म उद्योग थै बढ़ावा दैणा पर करैं गी विचार.