जयपुर. बड़ा परदा रा कलाकार शाहरुख खान रा बेटा आर्य़न खान रा मामला मांय आज कचहरी मांय फेर सू सुणवाई होसी. आपनै ठा हौवेला की जहाज माळै नसा का समान सागै पकड़ीज्योड़ा आर्यन खान रा घरआळा इण मामला माय जमानत री अरज दाखल करी है. इसू पैली नीचली री कचहरी शाहरुख खान रा बेटा आर्यन का मामला माय एनसीबी नै आपरो जवाब दाखिल करबा रो निरदेस दियो हो.
पढ़ें- क्रूज ड्रग्स केस: आर्यन खान की जमानत याचिका पर आज फिर सुनवाई
एनसीबी कचहरी मांय आपरी बात पैली ही कह चुक्यो है. दूजी तरफ आर्यन खान अर 5 दूजा आरोपियां री कोरोना री जांच आया पाछै सगळा जणा नै कैदखाना रा क्वारंटीन बैरक सू दूजा कैदियां रै बीच भेज्यो गियो है. आर्थर रोड आळा कैदखाना रा प्रमुख नितिन वायचल इण सारु सगळी बात बताई है.
हलफनामा री अरज
विशेष न्यायाधिकारी वीवी पाटिल इण सारा मामला मांय नसा पै रोक रा कानून यानि एनडीपीएस रा नैमा माय सुणवाई करी है. इसू पैली एनसीबी खियो हो कै अरज पर हातू-हात सुणवाई री जरूरत कोनी है. ब्यूरो इण मामला सारु हलफनामा दायर करबा नै एक हफ्ता रो टैम मांग्यो है. बठै ही बचाव रा हैती खियो है कि आर्यन नै जोरामादी 'फंसायो गियो' है अर जमानत पै बाका छूटबा सू जांच रा काम माय कोई बाधा कोनी आवैला.
आपनै बता दैवा कि एनसीबी गोवा जाई रियाहे 'कॉर्डेलिया क्रूज़' जहाज माळै छापो मार तीन अक्टूबर नै आर्यन खान नै पकड्यो हो. आर्यन अबार की टैम आर्थर कैदखाना माय बंद है. बाकी तरफ सू कचहरी मांय जमानत सारु अरजी दाखिल करी गई ही , पण जज रा विचार नहीं करबाळा बयान पाछै बै अब ऊंची कचहरी मांय आपरी अपील दिया है. बारो कवणो ह कि इण मामला माय बै दोस रा भागी कोनी है , बानै इण मामला मांय जोरामारी फंसायो गियो है. अरजी मांय खियो गियो है कि कागजा रै माय इण मामला सारु आर्यन पै लाग्योड़ा आरोप साबित कौनी हुई रिया है.
