ઈસ્લામાબાદઃ પાકિસ્તાનના પૂર્વ વડાપ્રધાન ઈમરાન ખાનનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. આ વીડિયો ઈમરાનની પાર્ટી પીટીઆઈ દ્વારા ટ્વીટ કરવામાં આવ્યો છે. આમાં તમે જોઈ શકો છો કે ઈમરાન ખાનને કડક સુરક્ષામાં કોર્ટમાં લઈ જવામાં આવી રહ્યા છે.
PAKISTAN NEWS : આ છે પાકિસ્તાનની ઝેડ પ્લસ સુરક્ષા વ્યવસ્થા, બુરખામાં ઈમરાન ખાન જોવા મળ્યો!
પાકિસ્તાનના પૂર્વ વડાપ્રધાન ઈમરાન ખાન બુરખામાં કોર્ટ પહોંચ્યા હતા. સાંભળવામાં અજીબ લાગે છે, પરંતુ તેમની પાર્ટીએ ટ્વિટ કરીને આ વાત સાચી કહી છે. જૂઓ સંપૂર્ણ સમાચાર.
Etv Bharat
શા માટે ઇમરાન ખાનને આવી રીતે કોર્ટમાં લઇ જવામાં આવ્યો :આ તસવીરમાં સૌથી ચોંકાવનારી વાત એ છે કે ઈમરાનનો ચહેરો ઢંકાયેલો છે. તમે આ તસવીરમાં જોઈ શકો છો કે ઈમરાનનો ચહેરો કાળા બુરખાથી ઢંકાયેલો છે. તે બુરખાની બહાર જોવા માટે બે નાના છિદ્રો પણ બનાવવામાં આવ્યા છે. વાસ્તવમાં, બુરખાના આકારમાં બુલેટપ્રૂફ જેકેટ હોય છે. ઈમરાન ખાને તેને ખભા સુધી ઢાંકી રાખ્યું છે. તેમજ તેમની આસપાસ મોટી સંખ્યામાં સુરક્ષાકર્મીઓ હાજર છે. તેની પાસે બુલેટપ્રૂફ બેલેસ્ટિક શિલ્ડ છે. આ ઢાલ દ્વારા તેણે ઈમરાનને ઘેરી લીધો છે. તેનો હેતુ એ છે કે કોઈ ક્યાંયથી હુમલો ન કરે.
શું ખરેખર પાકિસ્તાનમાં આ પ્રકારની સુરક્ષા આપવામા આવે છે :હવે સોશિયલ મીડિયા પર ઘણા ટોણા મારવામાં આવી રહ્યા છે. કોને શું કહ્યું તે જોઇએ તો, પાકિસ્તાનની Z પ્લસ સુરક્ષા વ્યવસ્થા, તો કોઈએ કહ્યું કે ઈમરાન ખાનને શું થઈ ગયું છે. વાસ્તવમાં, ઇમરાન ખાન મંગળવારે લાહોરની આતંકવાદ વિરોધી કોર્ટમાં હાજર થયા હતા. કોર્ટે ઇમરાન ખાનને સુનાવણી દરમિયાન હાજર રહેવાનો આદેશ આપ્યો હતો, તેથી તેને કોર્ટમાં લાવવામાં આવ્યો હતો. ઈમરાન પર પોલીસ ટીમ પર હુમલો કરવાનો આરોપ છે. તેના પર તોડફોડ અને આગચંપીનો પણ આરોપ છે. ઈમરાન ખાન પર 3 નવેમ્બર 2022ના રોજ હુમલો થયો હતો. જેમાં તેને પગમાં ગોળી વાગી હતી. આ ઘટના બાદથી, ઈમરાન ખાન અને તેના સમર્થકોનો આરોપ છે કે તેમને સરળતાથી નિશાન બનાવી શકાય છે, તેથી કડક સુરક્ષા વ્યવસ્થા જરૂરી છે.