નવી દિલ્હી: રાષ્ટ્રીય રાજધાની દિલ્હીમાં શુક્રવારે કોરોના વાઈરસ કેસની કુલ સંખ્યા 903 પર પહોંચી ગઈ હતી, જેમાં એક દિવસમાં 183 નવા કેસ અને બે લોકોના મૃત્યુ નોંધાયા હોવાનું દિલ્હી સરકારના અધિકારીઓએ જણાવ્યું છે.
કુલ કેસોમાંથી 584 કેસ માર્ચ મહિનામાં નિઝામુદ્દીન વિસ્તારમાં બનેલી ધાર્મિક જમાત સાથે સંબંધિત છે. ગુરુવાર રાત સુધી શહેરમાં જીવલેણ વાઈરસના કેસોની સંખ્યા 720 જેટલી હતી. જેમાં 12 લોકોના મોતના થયા છે. આમ, વધુ બે લોકોના મોતના અહેવાલ સાથે દિલ્હીમાં કોવિડ-19નો મૃત્યુઆંક 14 પર પહોંચી ગયો છે.
આ અંગે અધિકારીઓએ જણાવ્યું હતું કે, કુલ કેસોમાંથી 26 લોકો રિકવર થયા છે અને એક દેશમાંથી બહાર નીકળી ગયો છે.