18 টা ছাগলীসহ আটক গভাইত চোৰ

মৰাণত বিলাসী বাহনৰ উদ্ধাৰ ১৮ টাকৈ ছাগলী (Large quantity of goats recovered in Moran)। ছাগলীসহ আটক তিনি গভাইত চোৰ (Suspected thief arrested )। যোৰহাটৰ পৰা ডিব্ৰুগড়ৰ দিশলৈ চেন্ট্ৰ' বাহনত কঢ়িয়াই আনিছিল ছাগলীকেইটা ৷ কিন্তু মৰাণ আৰক্ষী থানাৰ তালাচীৰ পৰা বাহনখন পলাই যাওঁতেই আৰক্ষীৰ সন্দেহ ওপজে ৷ মৰাণ আৰক্ষীয়ে খেদি খেদি ফটিকাছোৱা গাঁৱত আটক কৰে চোৰকেইটা । ইফালে জব্দকৃত ১৮টা ছাগলীৰ ভিতৰত ইতিমধ্যে দুটা ছাগলীৰ মৃত্যু হৈছে । আনহাতে এই ঘটনাৰ লগত বৃহৎ চুৰি চক্ৰ জড়িত থকাৰ সন্দেহ প্ৰকাশ আৰক্ষীৰ । ঘটনা সন্দৰ্ভত আৰক্ষীয়ে আৰম্ভ কৰিছে তদন্ত । পূৰ্বেও চুৰিৰ লগত জড়িত হৈ কাৰাবাস খাটিছিল চোৰকেইটাই । তদন্তৰ খাতিৰত নাম উল্লেখ কৰা নাই আৰক্ষীয়ে । উল্লেখযোগ্য যে দীৰ্ঘদিনৰ পৰা মৰাণ আৰু দাঁতিকাষৰীয়া অঞ্চলত ছাগলী চোৰে চলাই আছিল সন্ত্ৰাস ।