ৰিতুল শইকীয়াৰ সন্ধান এতিয়াও পোৱা নাই
নাগালেণ্ডৰ মন জিলাৰ টটক চিংনু বস্তিৰ অৰণ্যৰ মাজত সেনা বাহিনী আৰু অপহৰণকাৰীৰ সৈতে হোৱা সংঘৰ্ষত উদ্ধাৰ হয় অ'এনজিচিৰ অপহৃত দুই কৰ্মচাৰী ক্ৰমে মোহিনী মোহন গগৈ আৰু অলকেশ শইকীয়া । বৃহস্পতিবাৰে দুপৰীয়া নাগালেণ্ডৰ মন জিলাৰ আৰক্ষী অধীক্ষকৰ কাৰ্যালয়ত উপস্থিত হোৱা চৰাইদেউ জিলাৰ অতিৰিক্ত আৰক্ষী অধীক্ষক দ্বীপজ্যোতি তালুকদাৰ আৰু চক্ৰ পৰিদৰ্শক অনিল মৰাণৰ নেতৃত্বত যোৱা অসম আৰক্ষীৰ দলটোৰ হাতত উদ্ধাৰ হোৱা অ'এনজিচিৰ কৰ্মচাৰীদ্বয়ক চমজাই দিয়াৰ পাছতে চৰাইদেউ জিলাৰ আৰক্ষী অধীক্ষক গৰাকীয়ে সংবাদ মাধ্যমৰ আগত বহু কেইটা গুৰুত্বপূৰ্ণ মন্তব্য কৰে ৷ অধীক্ষক গৰাকীয়ে কয়, ৰিতুল শইকীয়াৰ সন্ধান এতিয়াও পোৱা নাই ৷ সংঘৰ্ষত কোনো লোক হতাহত হৈছে নে নাই, সেই তথ্যও আৰক্ষী হাতত নাই বুলি উল্লেখ কৰে আৰক্ষী অধীক্ষক গৰাকীয়ে ৷