নিৰ্বাচনী যুঁজৰ বাবে সাজু সুৰেশ বৰা
নগাঁৱৰ বঢ়মপুৰ সমষ্টিত বিজেপি দলৰ প্ৰাৰ্থী জিতু গোস্বামীৰ বিৰুদ্ধে যুঁজিবলৈ সাজু হৈছে একালৰ আলফা নেতা সুৰেশ বৰা । কংগ্ৰেছ দলৰ হৈ পুনৰবাৰ প্ৰাৰ্থীত্ব লাভ কৰা সুৰেশ বৰাই শুকুৰবাৰে দাখিল কৰে মনোনয়ন পত্ৰ । সহস্ৰাধিক সমৰ্থকক লগত লৈ এক শোভাযাত্ৰা কৰি নগাঁৱত উপস্থিত হৈ ৰিটাৰ্ণিং বিষয়াৰ ওচৰত দাখিল কৰে মনোনয়ন পত্ৰ । মনোনয়ন দাখিল কৰি প্ৰতিদ্বন্দী বিজেপি প্ৰাৰ্থী জিতু গোস্বামী বঢ়মপুৰ সমষ্টিৰ স্থানীয় বাসিন্দা নহয় বুলিও মন্তব্য কৰে কংগ্ৰেছী প্ৰাৰ্থীগৰাকীয়ে । লগতে নিজকে ছালফা নহয় বুলি উল্লেখ কৰে প্ৰাক্তন আলফা নেতা তথা কংগ্ৰেছ প্ৰাৰ্থী সুৰেশ বৰাই । মই সংগ্ৰামী আছিলো কিন্তু ছালফা নহয় বুলি উল্লেখ কৰে প্ৰাৰ্থীগৰাকীয়ে ৷