77 th Independence day : সমাগত স্বাধীনতা দিৱসৰ বাবে মাজুলীত কটকটীয়া কৰি তোলা হৈছে নিৰাপত্তা ব্যৱস্থা
মাজুলী, 13 আগষ্ট: সমাগত স্বাধীনতা দিৱস । দুস্কৃতিকাৰীয়ে যাতে কূটাঘাত সংঘটিত কৰিব নোৱাৰে তাৰ বাবে স্বাধীনতা দিৱসৰ প্ৰাকমুহূৰ্তত ৰাজ্যৰ প্ৰতিটো প্ৰান্ততে আৰক্ষীয়ে চোকা নজৰ ৰাখিছে । ব্যতিক্ৰম নহয় সত্ৰ নগৰী মাজুলীও ।
মাজুলীতো যাতে দুস্কৃতিকাৰীয়ে কোনো ধৰণৰ দুৰ্ঘটনা সংঘটিত কৰিব নোৱাৰে তাৰ বাবে আৰক্ষীয়ে চোকা নজৰ ৰাখিছে । দুস্কৃতিকাৰীৰ কূটাঘাট ৰোধ কৰিবলৈ সদা সষ্টম হৈ আছে মাজুলী আৰক্ষী । দিনে নিশাই বৃদ্ধি কৰিছে পেট্ৰলিং। আনকি নিৰাপত্তাজনিত কাৰণত মাজুলী আৰক্ষীয়ে নদী পেট্ৰলিং কৰা দেখা গৈছে ।
আলফা স্বাধীনে 77 সংখ্যক স্বাধীনতা দিৱস বৰ্জন কৰাৰ আহ্বান জনোৱাৰ পিচতে মাজুলী আৰক্ষীয়ে বৃদ্ধি কৰিছে পেট্ৰলিং ব্যৱস্থা । মাজুলীৰ অতি দুৰ্গম চৰ-চাপৰিসমূহত আৰক্ষী আৰু চিআৰপিএফ বাহিনীয়ে চলাইছে যৌথ অভিযান । নদী পেট্ৰলিঙৰ এই অভিযানৰ নেতৃত্ব গ্ৰহণ কৰিছে মাজুলীৰ আৰক্ষীৰ ভাৰপ্ৰাপ্ত বিষয়া প্ৰতিম গগৈয়ে ।
লগতে পঢ়ক :Sensational robbery case: ডকাইতি কাণ্ড সংঘটিত কৰাৰ 5 ঘণ্টাৰ ভিতৰতে আৰক্ষীৰ জালত পৰিল ডকাইত