ক’ভিড নিৰ্মূলৰ উদ্দেশ্যে মৰিয়নিত মহাবিষ্ণু যজ্ঞ

মৰিয়নি নগৰৰ মাজমজিয়াত অৱস্থিত বিষ্ণু মন্দিৰত ব্ৰাহ্মণ সমাজে ক’ৰণা মহামাৰী ৰোধৰ বাবে আয়োজন কৰিছে মহাবিষ্ণু যজ্ঞৰ । সকলোৰে কামনা, বিনাশ হওক এই মহামাৰীৰ ৷

যোৰহাট,27এপ্ৰিলঃ ক’ভিড মহামাৰীৰ দ্বিতীয় ঢৌৱে সমগ্ৰ দেশৰ লগতে অসমটো এক ভয়াবহ ৰূপ ধাৰণ কৰিছে ৷ তাৰ মাজতে ক’ভিড-১৯ৰ সংক্ৰমণ পৰা ৰক্ষা পাবলৈ নেদেখা জনৰ কাষ চাপিছে মৰিয়নীৰ ব্ৰাহ্মণ সমাজ । মৰিয়নি নগৰৰ মাজমজিয়াত অৱস্থিত বিষ্ণু মন্দিৰত ব্ৰাহ্মণ সমাজে ক’ৰণা মহামাৰী ৰোধৰ বাবে আয়োজন কৰিছে মহাবিষ্ণু যজ্ঞৰ ।

উল্লেখযোগ্য যে, যি সময়ত বিজ্ঞানে এই মহামাৰী ভাইৰাচৰ সৈতে মোকাবিলা কৰিবলৈ অসমৰ্থ হৈছে যদিও প্ৰচেষ্টা চলায় আছে ৷ এই সংকট কালৰ পৰা উদ্ধাৰৰ বাবে এতিয়া নেদেখা জনৰ চৰণত আঠু লৈ মহাবিষ্ণু যজ্ঞৰ জড়িয়তে মৰিয়নীৰ ব্ৰাহ্মণ সমাজে কৰিছে স্তুতি ৷ সকলোৰে কামনা, বিনাশ হওক এই মহামাৰীৰ ৷

লগতে পঢকঃ বিজেপি গমনৰ ইংগিত অংকিতা দত্তৰ