প্ৰচণ্ড ধুমুহা বৰষুণঃ তেজপুৰত বিস্তৰ ক্ষতি সাধন

সোমবাৰে বিয়লি অহা প্ৰচণ্ড ধুমুহা বৰষুণে ৰাজ্যৰ বিভিন্ন ঠাইৰ লগতে তেজপুৰ জিলাতো বিস্তৰ ক্ষতি সাধন কৰে,গছ বাগৰি কেইবাখনো যান বাহন ক্ষতিগ্ৰস্ত হোৱাৰ লগতে পাঁচ জনকৈ লোক আহত

তেজপুৰ, 12 আগষ্টঃ সোমবাৰে বিয়লি অহা প্ৰচণ্ড ধুমুহা বৰষুণে ৰাজ্যৰ বিভিন্ন ঠাইৰ লগতে তেজপুৰ জিলাতো বিস্তৰ ক্ষতি সাধন কৰে ৷ জিলাখনৰ দাঁতি কাষৰীয়া শালনিবাৰী,বেচেৰীয়া,ডিপোটা,বিহগুৰিত পশুধন আহত হোৱাৰ লগতে ধুমুহাৰ ফলত গছ বাগৰি পৰি কেইবাখনো যান বাহন ক্ষতিগ্ৰস্ত হোৱাৰ লগতে পাঁচ জনকৈ লোক আহত হয় ৷ ডিপোটাৰ ৰাধিকাপুৰত গছ বাগৰি এখন যাত্ৰীবাহী টেম্পুৰ চাৰিজন লোকসহ দুটি শিশু আহত হোৱাৰ বিপৰীতে শালনিবাৰীৰত এখন চুইফ ডিজায়াৰত গছ বাগৰি পৰাত জিতেন ভূঞা নামৰ এজন লোকৰ কথমপি প্ৰাণ ৰক্ষা পৰে ৷ ইফালে ছাগলী আহতৰ তলত গছ বাগৰি আন এখন টেম্পু ধ্বংস হোৱাৰ লগতে সমগ্ৰ পথ বন্ধ হৈ পৰে ৷ এনে পৰিস্থিতিত প্ৰশাসনে সমগ্ৰ জিলাখনত বিদ্যুৎ সেৱা বন্ধ কৰি ৰাখিছে ৷