তেজপুৰ,28 ফেব্ৰুৱাৰীঃ দুৰ্গতিনাশিনী দুৰ্গাই যি দৰে মহিষাসুৰক বধ কৰিবলৈ সকলো দেৱতাৰ সহায় লৈছিল, সেইদৰে কংগ্ৰেছে সকলোকে লগত লৈ আগুৱাই যাব । উল্লেখযোগ্য যে, 2 মাৰ্চত অসমলৈ আহিব কংগ্ৰেছৰ সাধাৰণ সম্পাদক প্ৰিয়ংকা গান্ধী ৷ সেই উদ্দেশ্যে দেওবাৰে তেজপুৰৰ সভাস্থলীৰ পৰিস্থিতিৰ বুজ ল’বলৈ আহি এইদৰে মন্তব্য কৰে নগাঁৱৰ সাংসদ প্ৰদ্যুৎ বৰদলৈয়ে ৷
একেদৰে শেহতীয়াকৈ ৰাষ্ট্ৰীয় সংবাদ মাধ্যমত একজিট প’লত অসমত পুনৰ বিজেপিৰ চৰকাৰ হ’ব বুলি সমীক্ষাত প্ৰকাশ পোৱাত সাংসদ প্ৰদ্যুৎ বৰদলৈয়ে কয় যে, ৰাষ্ট্ৰীয় সংবাদ মাধ্যম মোডী আৰু বিজেপিৰ জেপত সোমাই আছে ৷ কংগ্ৰেছৰ মনোবল ভাঙিবলৈ বিজেপিয়ে এইদৰে সমীক্ষা উলিয়াইছে বুলি তাৎপৰ্যপূৰ্ণ মন্তব্য কৰে বৰদলৈয়ে ৷