তেজপুৰ,14 চেপ্তেম্বৰঃ অৰুণাচলৰ মুখ্যমন্ত্ৰী পেমা খাণ্ডৱে পশ্চিম কামেঙৰ ৰোপাত ডিকচো গাঁৱত শুভ উদ্ধোধন কৰে ২৪ মেগা ৱাটৰ ডিকচো Hydro Electric Power প্ৰকল্প ৷ ৰাজ্যখনৰ এইটো প্ৰথমটো ব্যক্তিগত খন্দই নিৰ্মাণ কৰা Hydro Electric Power প্ৰকল্প ৷
আনহাতে, মুখ্যমন্ত্ৰী গৰাকীয়ে নিজে 2016 চনত এই প্ৰকল্পৰ আধাৰশিলা স্থাপন কৰিছিল বুলি মন্তব্য কৰে ৷ লগতে সম্পূৰ্ণ ৪ বছৰত এই প্ৰকল্প হৈ উঠাৰ বাবে ডেৱি উদ্যোগৰ ভূয়সী প্ৰশংসা কৰে খাণ্ডৱে ৷ অৰুণাচল প্ৰদেশ হৈছে শক্তি উৎপন্নৰ ঠাই আৰু শক্তিহে ৰাজ্যৰ প্ৰধান আহিলা ৷ ৰাজ্য চৰকাৰে ইতিমধ্যে 22 টা এনে ধৰণৰ সৰু সৰু প্ৰকল্প নিৰ্মাণৰ বাবে কাম হাতত লৈছে ৷ ব্যক্তিগত খণ্ডক দিয়া এই কাম সমূহ যদি সময় মতে সম্পূৰ্ণ হৈ নুঠে তেতিয়া ৰাজ্য চৰকাৰে সেই সমূহ ব্যক্তিগত খণ্ডৰ অনুমোদন আৰু অনুজ্ঞাপত্ৰ বাতিল কৰিব বুলিও মন্তব্য কৰে মুখ্যমন্ত্ৰী গৰাকীয়ে ৷ উদ্ধোধনী অনুষ্ঠানত উপ মুখ্যমন্ত্ৰী চাউনা মেন, স্থানীয় বিধায়ক আৰু প্ৰকল্পৰ কৰ্মকৰ্তাকে ধৰি বহুতো গণ্য-মান্য ব্যক্তি উপস্থিত থাকে ৷