শিৱসাগৰ, 3 জুন :ৰাজ্যৰ অন্য প্ৰান্তৰ লগতে শিৱসাগৰতো অব্যাহত আছে নিষিদ্ধ নিচাজাতীয় দ্ৰব্যৰ বিৰুদ্ধে অভিযান ৷ বুধবাৰে নিশা শিৱসাগৰত আৰক্ষীৰ এক অভিযানত এজন ড্ৰাগছ আসক্ত যুৱকক গ্ৰেপ্তাৰ কৰে ৷ আটক কৰা যুৱকজন শিৱসাগৰৰ লালিমগাঁওৰ নিবাসী তুলন কোঁৱৰৰ পুত্ৰ পাৰ্থজ্যোতি কোঁৱৰ বুলি জানিব পৰা গৈছে ৷
আনহাতে, ড্ৰাগছ আসক্ত যুৱকজনৰ পৰা আৰক্ষীয়ে ৬ গ্ৰাম ওজনৰ হেৰ’ইন উদ্ধাৰ কৰিবলৈ সক্ষম হৈছে । উদ্ধাৰ হোৱা হেৰ’ইন খিনিৰ আনুমানিক মূল্য প্ৰায় ১০ হাজাৰ টকা হ’ব বুলি জানিবলৈ দিয়ে আৰক্ষীয়ে ৷ উল্লেখ্য যে, শিৱসাগৰৰ চেৰেকাপাৰ আৰক্ষী চকীৰ এক অভিযানত ড্ৰাগছ আসক্ত যুৱকজনক আটক কৰা হয় ৷ ইয়াৰোপৰি হেৰ’ইনখিনি ডিব্ৰুগড় পৰা ক্ৰয় কৰা বুলি কয় যুৱকজনে ৷
লগতে পঢ়ক : লকডাউনে এতিয়া বিপাঙত পেলাইছে ধিঙৰ খেতিয়কক