HSLC Exam Result 2022 : সুখ্যাতিৰে উত্তীৰ্ণ বিশেষভাৱে সক্ষম পৰি

কলিয়াবৰৰ বিশেষভাৱে সক্ষম ছাত্ৰী পৰি বেগমৰ সফলতা ৷ হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ মূকবধিৰ ছাত্ৰী পৰি বেগম (HSLC Exam Result 2022) ৷

কলিয়াবৰ, 10 জুন :কলিয়াবৰত বিশেষভাৱে সক্ষম এগৰাকী ছাত্ৰীৰ সফলতা ৷ সদ্য ঘোষিত হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হয় বিশেষভাৱে সক্ষম ছাত্ৰীগৰাকী (HSLC Exam Result 2022) ৷ বিশেষভাৱে সক্ষম এই ছাত্ৰীগৰাকী হৈছে কলিয়াবৰৰ কুঁৱৰীটোল চাৰিআলিৰ আজাৰুদ্দিন আহমেদ আৰু মৰমী বেগমৰ ডাঙৰ জীয়ৰী পৰি বেগম ৷

মূকবধিৰ বিদ্যালয়ৰ পৰিৱৰ্তে সাধাৰণ বিদ্যালয়তে পঢ়ি কলিয়াবৰৰ এইগৰাকী বাক আৰু শ্ৰৱণ শক্তিহীন ছাত্ৰীয়ে হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হ’বলৈ সক্ষম হৈছে । বিশেষভাৱে সক্ষম ছাত্ৰ-ছাত্ৰীয়ে শিক্ষা গ্ৰহণ কৰা শিক্ষানুষ্ঠানৰ পৰিৱৰ্তে কুঁৱৰীটোল উচ্চতৰ মাধ্যমিক বিদ্যালয়ত সাধাৰণ শিক্ষাৰ্থীৰ সৈতে একেলগে শিক্ষা গ্ৰহণ কৰিছিল পৰিয়ে ৷

কুঁৱৰীটোল উচ্চ মাধ্যমিক বিদ্যালয়ৰ পৰা এইবাৰ 236 নম্বৰ লাভ কৰি তৃতীয় বিভাগত উত্তীৰ্ণ হ'বলৈ সক্ষম হৈছে পৰি বেগম (Specially abled Pari begum secured third division) । জানিব পৰা মতে, বাক আৰু শ্ৰৱণ শক্তিহীন ছাত্ৰীগৰাকীয়ে গ্ৰেচমাৰ্ক নোলোৱাকৈয়ে আটাইকেইটা বিষয়ত উত্তীৰ্ণ হ'বলৈ সক্ষম হৈছে ।

বিশেষভাৱে সক্ষম ছাত্ৰী পৰি বেগমৰ সফলতা

উল্লেখ্য যে, দিন হাজিৰা কৰি পিতৃয়ে অতি কষ্টৰ মাজৰে সন্তানক শিক্ষিত কৰিবলৈ কৰা যুঁজখনত সন্তানৰ এই সফলতাত এতিয়া অতন্ত্য সুখী পৰিয়ালটো । ছাত্ৰীগৰাকীৰ এই সাফলতাত আনন্দিত কুঁৱৰীটোল উচ্চ মাধ্যমিক বিদ্যালয়ৰ শিক্ষক-শিক্ষয়িত্ৰীৰ লগতে সমগ্ৰ কলিয়াবৰবাসী । পৰি বেগমৰ ভনীয়েকো বিশেষভাৱে সক্ষম এগৰাকী ছাত্ৰী ।

লগতে পঢ়ক :হুইল চেয়াৰত বহিয়েই প্ৰথম বিভাগত উত্তীৰ্ণ মাধুৰ্য দত্ত