ৰহা, 13 মে’: অৰাজক পৰিস্থিতিৰ ৰহাৰ ৰণথলী সমূহীয়া স্বাস্থ্যকেন্দ্ৰত । চিকিৎসকৰ হেমাহীৰ বাবেই জীয়াতু ভুগিবলগীয়া হৈছে ৰোগীয়ে । ৰহা ৰণথলী সমূহীয়া স্বাস্থ্যকেন্দ্ৰৰ সোমবাৰৰ দৃশ্য এইয়া ৷
স্বাস্থ্যকেন্দ্ৰটোত নাই এজনো চিকিৎসক, ফলত হাহাকাৰ ৰোগীৰ লগতে ৰোগীয় আত্মীয়ৰ মাজত । পুৱা 8:30 বজাতে অহা ৰোগীয়ে এনেদৰে চিকিৎসালয়খনৰ য'তে ত'তে পৰি থাকিবলগীয়া হৈছে । ফলত এক উত্তেজনা বিৰাজ কৰে চিকিৎসালয়খনত । বহু ৰোগী ডাক্তৰ নহাৰ বাবে নগাৱঁলৈ যাবলৈ বাধ্য হয় । এনেকৈয়ে যোৱা বহু বছৰে চলি আহিছে চিকিৎসালয়খন । মন গলে চিকিৎসক আহে, নহলে নাহে । 8:30 বজাৰ পৰা ডিউটি থকা চিকিৎসক আহে দুপৰীয়া 11 অথবা 12 বজাত ।