নগাঁও, 8 মে': কৰ’ণা দ্বিতীয় লহৰৰ ভয়াৱহতাৰ প্ৰতি লক্ষ্য ৰাখি ৰাজ্য চৰকাৰৰ স্বাস্থ্য বিভাগে ব্যাপক হাৰত ক'ভিড ভেকচিন প্ৰদান কাৰ্যসূচী অব্যাহত ৰাখিছে । নিজৰ জীৱনকো তুচ্ছ জ্ঞান কৰি জনসাধাৰণৰ প্ৰতি সেৱা আগবঢ়াই অহা সাংবাদিকসকলক ভেকচিন প্ৰদানৰ ব্যৱস্থা কৰিছে চৰকাৰে ৷ নগাঁও প্ৰেছ ক্লাৱৰ অনুৰোধ মৰ্মে নগাঁও জিলা প্ৰশাসন আৰু নগাঁও জিলা স্বাস্থ্য বিভাগে শুকুৰবাৰে নগাঁও প্ৰেছ ক্লাৱত সাংবাদিক সকলক ভেকচিন প্ৰদান কৰে ৷ সাংবাদিক সকলৰ লগতে অসম জাতীয়তাবাদী যুৱ ছাত্ৰ পৰিষদৰ সদস্য আৰু অন্যান্য লোককো ভেকচিন প্ৰদান কৰা হয় ৷ নগাঁও প্ৰেছ ক্লাৱত শুকুৰবাৰে প্ৰায় ২২০ জন লোকক ক'ভিড ভেকচিন প্ৰদান কৰা হয় ৷
নগাঁও প্ৰেছ ক্লাৱত সাংবাদিকক ভেকচিন প্ৰদান