নগাঁও, ২৩ নৱেম্বৰ: চোৰৰ ত্ৰাসত টোপনি হৰিছে নগাঁৱৰ কাতিমাৰি গ্ৰাণ্টৰ ৰাইজৰ। নিশা হ'লেই গৃহস্থ নথকাৰ সুযোগতে চাফাই অভিযান চলাই স্থানীয় লোকৰ ঘৰত। দেওবাৰে নিশাও আফতাব উদ্দিন নামৰ এগৰাকী কনিষ্ঠ অভিযন্তাৰ ঘৰত চুৰিকাণ্ড সংঘটিত হয়। চোৰে লুটি নিলে দুটা লেপটপ, লক্ষাধিক টকাৰ মূল্যৱান সা-সামগ্ৰী আৰু নগদ ধন। নিশা ঘৰত কোনো লোক নথকাৰ সুযোগ লৈ চোৰে ঘৰৰ খিৰিকী ভাঙি আচবাব, আলমিৰা লণ্ড-ভণ্ড কৰি লুট-পাত চলায়।
নগাঁৱত কনিষ্ঠ অভিযন্তাৰ ঘৰত চোৰাৰ চাফাই অভিযান
নগাঁৱৰ কাতিমাৰী গ্ৰাণ্টত নিতৌ চলিছে চোৰৰ চাফাই অভিযান। দেওবাৰে নিশা এজন কনিষ্ঠ অভিযন্তাৰ ঘৰৰ পৰা চোৰে লুটি নিলে লক্ষাধিক টকাৰ মূল্যৱান সামগ্ৰী। দুটাকৈ লেপতপ লৈ উধাও গভাইত চোৰ।
নগাঁৱৰ কাতিমাৰী গ্ৰাণ্টত নিতৌ চলিছে চোৰৰ চাফাই অভিযান
ঘটনা সন্দৰ্ভত সম্প্ৰতি স্থানীয় আৰক্ষীয়ে তদন্ত আৰম্ভ কৰিছে। প্ৰায় প্ৰতিনিশাই অঞ্চলটোত সংঘটিত হৈছে চুৰিৰ ঘটনা। শনিবাৰে নিশাও কাতিমাৰী গ্ৰাণ্টৰ এঘৰত চুৰিকাণ্ড সংঘটিত হৈছিল আৰু চোৰে লুটি নিছিল নগদ ধনৰ লগতে লক্ষাধিক টকা মূল্যৰ সোণৰ আ-অলংকাৰ। সঘনাই বৃদ্ধি পোৱা চুৰিৰ ঘটনাক লৈ এতিয়া শংকিত হৈ পৰিছে স্থানীয় লোক।