লখিমপুৰ জিলা ছাত্ৰ সন্থাৰ চতুৰ্দশ বাৰ্ষিক অধিৱেশন

লখিমপুৰ জিলা ছাত্ৰ সন্থাৰ চতুৰ্দশ বাৰ্ষিক অধিৱেশনখন হাৰমতী আঞ্চলিক ছাত্ৰ সন্থা আৰু হাৰমতীবাসী ৰাইজৰ সহযোগত বৃহস্পতিবাৰৰ পৰা তিনিদিনীয়া কাৰ্যসূচীৰে হাৰমতী উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত হৈছে ৷

লখিমপুৰ , 13 নৱেম্বৰ :লখিমপুৰ জিলা ছাত্ৰ সন্থাৰ চতুৰ্দশ বাৰ্ষিক অধিৱেশনখন বৃহস্পতিবাৰৰ পৰা তিনিদিনীয়া কাৰ্যসূচীৰে হাৰমতী উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত হৈছে ৷ হাৰমতী আঞ্চলিক ছাত্ৰ সন্থা আৰু হাৰমতীবাসী ৰাইজৰ সহযোগত লখিমপুৰ জিলা ছাত্ৰ সন্থাৰ উদ্যোগত উক্ত অধিৱেশনখন অনুষ্ঠিত কৰা হৈছে ৷

এই অধিৱেশনৰ দ্বিতীয় দিনা অৰ্থাৎ শুকুৰবাৰৰ পুৱা পতাকা উত্তোলনেৰে আৰম্ভণি কৰি ছহীদ তৰ্পন আদি কাৰ্যসূচী ৰূপায়ন কৰা হয় ৷ ইয়াৰ পাছতে লখিমপুৰ জিলাত কৃষি আৰু বাণিজ্যৰ সম্ভাৱনাক লৈ দুপৰীয়া এখন আলোচনা চক্ৰ অনুষ্ঠিত হয় । লগতে বিয়লি এখন জিলা প্ৰতিনিধি সভা অনুষ্ঠিত হয় । উল্লেখনীয় যে, এই অধিৱেশনৰ সৈতে সংগতি ৰাখি গ্ৰন্থমেলা, বাণিজ্য মেলা আদিও অনুষ্ঠিত কৰা হৈছে ।

ইফালে শনিবাৰৰ শেষৰটো দিনত অনুষ্ঠিত কৰা হ'ব এখন সাংস্কৃতিক সমাৰোহ ৷ উক্ত সমাৰোহত সংগঠনটোৰ কেন্দ্ৰীয় নেতৃবৃন্দৰ লগতে অংশ ল'ব বেহাৰবাৰী আউটপোষ্টৰ জনপ্ৰিয় চৰিত্ৰ কেকে, মোহন আৰু বিউতি বাইলূঙে । ইয়াৰোপৰি নিশাৰ ভাগলৈ এক সাংস্কৃতিক সন্ধিয়া অনুষ্ঠান অনুস্থিত হ'ব ৷ য'ত উপস্থিত থাকিব যুৱ প্ৰজন্মৰ হাৰ্টথ্ৰৱ জুবিন গাৰ্গ ৷ উক্ত অনুষ্ঠানটো সুকলমে চলাই নিবলৈ আয়োজক মণ্ডলীয়ে ৰাইজৰ সহযোগিতা কামনা কৰিছে ৷

লগতে পঢ়ক :ডিব্ৰুগড়ত অনুষ্ঠিত হ'ল অসম শিক্ষক সন্থাৰ বাৰ্ষিক অধিৱেশন