কোকৰাঝাৰ, 20 ছেপ্তেম্বৰ : কোকৰাঝাৰ জিলাৰ কচুগাঁৱত আৰক্ষীৰ অভিযানত বৃহৎ পৰিমানৰ অস্ত্ৰ ভাণ্ডাৰ উদ্ধাৰ কৰিবলৈ সক্ষম হয় ৷ গোসাইগাঁও মহকুমাৰ কচুগাঁৱত নিশা আৰক্ষীয়ে অভিযান চলাই জব্দ কৰে অস্ত্ৰ ভাণ্ডাৰখিনি ৷
আৰক্ষী সূত্ৰত জানিব পৰা মতে, কচুগাঁও থানাৰ অন্তৰ্গত শান্তিপুৰ পেকুৱা নদীৰ পাৰত জংগলত দুৰ্বৃত্তই অস্ত্ৰ-সস্ত্ৰ মজুত কৰি ৰখাৰ এক গোপন খবৰ পাইছিল ৷ উক্ত খবৰৰ ভিত্তিত কচুগাঁও থানাৰ ভাৰপ্ৰাপ্ত বিষয়া আনন্দ ৰাভা আৰু কোকৰাঝাৰৰ চহৰ উপ-পৰিদৰ্শক লাটুক দাসৰ নেতৃত্বত আৰক্ষীৰ এটি দলে শনিবাৰে নিশা প্ৰায় 8.30 বজাত অভিযান চলাই অস্ত্ৰ সমূহ উদ্ধাৰ কৰিবলৈ সক্ষম হৈছে ৷