কোকৰাঝাৰত শ শ বিঘা ধান খেতি বানৰ কবলত

কোকৰাঝাৰৰত কৃষক সকলৰ মাজত হাহাকাৰ মূষলধাৰ বৰষুণৰ ফলত শ শ বিঘা ধান খেতি পানীৰ তলত মূৰে কপালে হাত দিছে কৃষকসকলে ৷

কোকৰাঝাৰ, ২৬ মেঃ দেশত কৰ‘ণা ভাইৰাছৰ সন্ত্ৰাস অব্যাহত আনফালে ৰাজ্যৰ বহু জিলাতে এতিয়া মূষলধাৰ নেৰা নেপেৰা বৰষুণৰ, বাবে শ্ৰমিক শ্ৰেণী আৰু কৃষকৰ মাজত হাহাকাৰ পৰিস্থিতি সৃষ্টি হৈছে ৷ কেইবাদিনো মূষলধাৰ বৰষুণৰ ফলত কোকৰাঝাৰ চহৰৰ নিচেই কাষত থকা চেচাঁপানী গাওঁৰ শতাধিক কৃষকৰ মাজত হাঁহাকাৰৰ সৃষ্টি হৈছে ৷

কোকৰাঝাৰত শ শ বিঘা ধান খেতি বানৰ কবলত

উল্লেখ্যযোগ্য যে চেচাঁপানী গাওঁৰ কৃষক সকলে মূৰৰ ঘাম মাটিত পেলাই ধানখেতি কৰিছিল যদিও সম্প্ৰতি শ শ বিঘা ধানৰ খেতি পানীৰ তলত ডুব গৈছে ৷ ফলত মূৰে কপালে হাত দিছে কৃষক সকলে ৷ একেদৰে মূষলধাৰ বৰষুণৰ ফলত শাকপাচলিৰ খেতিও নষ্ট হৈ পৰিছে ৷

দীৰ্ঘ সময়ৰ বাবে লক-ডাউন অব্যাহত থকাত কৃষক সকলে বজাৰত শাক পাচলি বিক্ৰী কৰিব নোৱাৰাত খেতি পথাৰতে শাক পাচলি নষ্ট হৈছে ৷ এইক্ষেত্ৰত এ বি এমছুৰ জিলা সভাপতি নজৰুল ইছলামে কৃষকসকলৰ দুৰৱস্থাৰ প্ৰতি লক্ষ্য ৰাখি সাহায্য প্ৰদান কৰিবলৈ চৰকাৰক দাবী উত্থাপন কৰিছে ৷

লগতে পঢ়কঃ জুৰীয়াত পুনৰ আন এজনৰ দেহত COVID- 19+