ৰাতাবাৰী,18 অক্টোবৰঃ ৰাজ্যৰ চাৰিটা সমষ্টিতে বলিছে উপ-নিৰ্বাচনৰ গৰম বতাহ ৷ পিছ পৰি থকা নাই ৰাতাবাৰী সমষ্টিও ৷ শুকুৰবাৰে ৰাতাবাৰীত বিজেপি প্ৰাৰ্থী বিজয় মালাকাৰৰ হৈ পোন প্ৰথমবাৰৰ বাবে নিৰ্বাচনী জনসভাত অংশ ললে বিজেপিৰ ৰাজ্যিক সভাপতি ৰঞ্জিত দাসে ৷ ৰাতাবাৰী সমষ্টিৰ কালিবাৰী বজাৰৰ জনসভাস্থলীত ভাষণ প্ৰদান কৰে বিজেপিৰ ৰাজ্যিক সভাপতি গৰাকীয়ে ৷ নিৰ্বাচনী সভাত অংশ লৈ সভাপতি গৰাকীয়ে চৰকাৰৰ উন্নয়ন মূলক আঁচনিৰ কথা দাঙি ধৰে ৷ লগতে এছিয়াৰ দ্বিতীয় সৰ্ববৃহৎ বিল,শনবিলৰ প্ৰাকৃতিক মনোৰম দৃশ্যই তেওঁক আকৃষ্ট কৰিছে বুলি উল্লেখ কৰে সভাপতি গৰাকীয়ে ৷ শনবিলক বৃহৎ পৰ্যটন কেন্দ্ৰ হিচাপে গঢ়ি তোলাৰ প্ৰতিশ্ৰুতিও প্ৰদান কৰে সভাপতি গৰাকীয়ে ।
ৰাতাবৰীত নিৰ্বাচনী প্ৰচাৰ