নিজ পুত্ৰৰ হাতত নিৰ্যাতিত এগৰাকী আশী উৰ্ধৰ মহিলা

তিনিটা ল'ৰা আৰু দুজনী ছোৱালীক পঢ়াই শুনাই প্ৰতিষ্ঠিত কৰাৰ পাচতো সেই সন্তানেই ঘৰৰ পৰা উলিয়াই দিলে নিজ মাতৃক ৷

বদৰপুৰ, 25 জুন: পুত্ৰৰ কাৰণে জন্মদাত্ৰী মাতৃ হ'ল প্ৰতিবন্ধক ৷ শৈশৱৰ পৰা সন্তানক প্ৰতিষ্ঠিত ৰূপ দিয়া এগৰাকী মাতৃ আজিৰ দিনত চৰম অৱহেলিত ৷ বৃদ্ধা মাতৃক ঘৰৰ পৰা উলিয়াই দিলে তিনি পুত্ৰই । বৰ্তমানে মাতৃ গৰাকীৰ আশ্ৰয়স্থল হ'ল বৃদ্ধাশ্ৰম ৷ বদৰপুৰ ৰেলৱে কলনীৰ আশী উৰ্ধৰ লক্ষী সেন নামৰ গৰাকী বিধৱা মহিলাৰ ক্ষেত্ৰতেই হৈছে এনে অৱস্থা ৷ বদৰপুৰ ৰেলৱে হাইস্কুলৰ কাষতে ঘৰ মহিলা গৰাকীৰ ৷ তিনিটা ল'ৰা আৰু দুজনী ছোৱালীক পঢ়াই শুনাই প্ৰতিষ্ঠিত কৰাৰ পাচতো সেই সন্তানেই ঘৰৰ পৰা উলিয়াই দিলে নিজ মাতৃক ৷ যোৱা দুদিন আগতে তিনি পুত্ৰ আৰু বোৱাৰীৰ যন্ত্ৰণাত অসহ্য হৈ বদৰপুৰ ৰেলৱে ষ্ট্ৰেচনতে দিন কটাইছিল মহিলা গৰাকীয়ে । সোমবাৰে স্থানীয় ৰাইজৰ তৎপৰতাত মহিলা গৰাকীক ৱাৰইগ্ৰামৰ এখন বৃদ্ধাশ্ৰমত থকাৰ ব্যৱস্থা কৰি দিয়ে কৰিমগঞ্জৰ আদালতে ৷ অভিযোগ অনুসৰি যোৱা কেইবা বছৰ ধৰি মহিলা গৰাকীয়ে যন্ত্ৰণা ভোগ কৰি আহিছে নিজ পুত্ৰৰ পৰা ৷ তিনি পুত্ৰ ক্ৰমে, সঙ্কৰ সেন, দীলিপ সেন আৰু কৃষ্ণ সেনৰ এনে কাৰ্য্যত লজ্জানত কৰিছে অঞ্চলটোৰ শিক্ষিত ৰাইজক ৷ তিনি পুত্ৰৰ এনে কাৰ্য্যক শাস্তি দাবী কৰিছে অঞ্চলটোৰ ৰাইজে ৷