ৰঙিয়াত শক্তি বিভাগৰ কাৰ্যালয়ত আছুৰ ধৰ্ণা

ৰঙিয়াত শক্তি বিভাগৰ কাৰ্যালয়ৰ সন্মুখত আছুৰ ধৰ্ণা ৷ 24 ঘণ্টাই ঘৰে ঘৰে বিজুলী দিয়াত ব্যৰ্থ হোৱা চৰকাৰৰ বিৰুদ্ধে প্ৰতিবাদী কাৰ্যসূচী ৰূপায়ণ কৰে ৰঙিয়া আঞ্চলিক ছাত্ৰ সন্থাই ৷

ৰঙিয়া,20জুলাইঃ বানৰ তাণ্ডৱৰ মাজতে ৰঙিয়াত দেখা দিছে আন এক সমস্যাই । ৰঙিয়াৰ মূল নগৰৰ লগতে দাঁতিকাষৰীয়া বেছিভাগ অঞ্চলতেই যোৱা এসপ্তাহৰ পৰা বিদ‍্যুৎ যোগান অনিয়মীয়া হৈ পৰিছে । গ্ৰামাঞ্চলৰ কিছু কিছু অংশত যোৱা তিনিদিন ধৰি একেৰাহে বিদ‍্যুৎ যোগান বন্ধ হৈ আছে । যাৰ বাবে শনিবাৰে ৰঙিয়া আঞ্চলিক ছাত্ৰ সন্থাই ৰঙিয়া বৈদ্যুতিক উপ সংমণ্ডল ২ ৰ কাৰ্যালয়ৰ সন্মুখত প্ৰতিবাদ সাব্যস্ত কৰে । শক্তি বিভাগৰ প্ৰতিকৃতি দাহ কৰি সকলোৱে বিভাগটোৰ বিৰুদ্ধে শ্ল'গান দিয়ে ।