যান-বাহন নিয়ন্ত্ৰণত ব্যৰ্থ যোৰাবাট আৰক্ষী

যান-বাহন নিয়ন্ত্ৰণত ব্যৰ্থ যোৰাবাট আৰক্ষী ৷ যধে-মধে যান-বাহন পাৰ্কিঙৰ ব্যৱস্থাই আনিছে বিভিন্ন ধৰণৰ সমস্যা ৷ যোৰাবাট আৰক্ষীয়ে কোনোধৰণৰ ব্যৱস্থা গ্ৰহণ নকৰাত অৱশেষত জাঙুৰ খাই উঠে স্থানীয় ৰাইজৰ লগতে ছাত্ৰ সংগঠন ।

গুৱাহাটী, 30জুলাইঃ একাংশ লোকে যোৰাবাটৰ পৰা খানাপাৰালৈ 37 নং ৰাষ্ট্ৰীয় ঘাই পথছোৱাত যধে-মধে যানবাহন পাৰ্কিং কৰাত বিভিন্ন ধৰণৰ অসুবিধাৰ সন্মুখীন হৈছে পথচাৰীৰ লগতে স্থানীয় বাসিন্দা। উল্লেখ্য যে নিয়ম অনুসৰি ৰাষ্ট্ৰীয় ঘাইপথত যান-বাহন ৰখাই থোৱাটো আইন বিৰোধী। কিন্তু একাংশ লোকে আইন উলংঘন কৰি যধে-মধে যান-বাহন পাৰ্কিং কৰি সমস্যাৰ সৃষ্টি কৰি আহিছে। দীৰ্ঘদিনৰ পৰাই এনেদৰে যান-বাহনসমূহ য'ত-ত'ত পাৰ্কিং কৰি অহাত যোৰাবাট আৰক্ষীয়ে কোনোধৰণৰ ব্যৱস্থা গ্ৰহণ নকৰাত অৱশেষত জাঙুৰ খাই উঠে স্থানীয় ৰাইজৰ লগতে ছাত্ৰ সংগঠন। অতিশীঘ্ৰে আৰক্ষীয়ে এইক্ষেত্ৰত বিহীত ব্যৱস্থা গ্ৰহণ কৰি সমস্যাৰ সমাধান কৰাৰ দাবী জনায় স্থানীয় লোকসকলে ৷