দুই গজৰাজৰ যুঁজত কঁপিল ৰাণী

ৰাণীত দুই গজৰাজৰ তয়াময়া ৰণ ৷ গজৰাজৰ ৰণত কঁপিল পাটগাঁৱৰ পথাৰ ৷

দক্ষিণ কামৰূপ, অক্টোবৰ 12 : ৰাণীত দুই গজৰাজৰ তয়াময়া ৰণ ৷ গজৰাজৰ ৰণত কঁপিল পাটগাঁৱৰ পথাৰ ৷ যোৱা কিছুদিন ধৰি ৰাণীৰ পাটগাওঁ, ধনীপাৰা,জৱেগাঁও আদি অঞ্চলত বিচৰণ কৰিছিল বন্যহস্তীয়ে ৷

খাদ্যৰ সন্ধানত ৰাণী বনাঞ্চলৰ পৰা ওলাই অহা বন্যহস্তীৰ জাকে তহিলং কৰে অঞ্চলটোৰ ধাননি পথাৰৰ লগতে বহু লোকৰ বাৰীৰ ফচল ৷ তাৰেই দুটা হাতীয়ে পাটগাঁৱৰ পুৰণি দুৰ্গা মন্দিৰৰ সমীপৰ পথাৰত এইদৰে যুঁজ কৰা পৰিলক্ষিত হয় ৷ পৰৱৰ্তী সময়ত বন বিভাগৰ লোক উপস্থিত হৈ খেদি পঠিয়াই হাতী দুটা ৷