বাইহাটাত বিজেপিৰ সংকল্প সমাৰোহ

বিজেপি-অগপৰ মিত্ৰতাত কেনা লাগিছে নেকি ! যদি লগা নাই তেনেহ’লে সংকল্প কিহৰ বাবে !

বাইহাটা, 8 মাৰ্চঃ আন্তৰ্জাতিক নাৰী দিৱসৰ দিনা কমলপুৰ সমষ্টিৰ বিজেপিৰ কৰ্মকৰ্তাসকলৰ সংকল্প গ্ৰহণ ৷ ২০২১ চনত কমলপুৰ সমষ্টি বিজেপিয়ে দখল কৰাৰ সংকল্প গ্ৰহণ ৷ আগন্তুক ২০২১ চনৰ নিৰ্বাচনত অগপক আসনখন এৰি দিয়াৰ বাবে আহ্বান জনাই বিজেপিয়ে । কমলপুৰ সমষ্টিৰ আসনখন দখলৰ বাবে যুঁজিব লাগিব বুলি উল্লেখ কৰে প্ৰাক্তন বিধায়ক যাদৱ ডেকায়ে ৷

এইবেলি কোনো কাৰণতে কমলপুৰ সমষ্টি অগপক এৰি নিদিয়াৰ কথা অৱগত কৰে প্ৰাক্তন বিধায়কগৰাকীয়ে । এই বিষয়ত সমষ্টিৰ কৰ্মকৰ্তাসকলে হাইকামাণ্ডৰ লগতে ৰাজ্যিক নেতৃবৃন্দকো অৱগত কৰিব বুলি মতপ্ৰকাশ কৰে ।

তেনেস্থলত যদি দলৰ নেতৃবৃন্দই পুনৰ মিত্ৰজোঁটক আসনখন এৰি দিয়ে তেতিয়াহ’লে বিসম্বাদ কৰাৰ কোনো প্ৰশ্ন নাই বুলি প্ৰকাশ কৰে । কমলপুৰ সমষ্টিৰ মিত্ৰজোঁটৰ বিধায়কগৰাকীয়ে কোনো ধৰণৰ মিত্ৰতাৰ ধৰ্ম পালন কৰা নাই বুলি বিজেপি কৰ্মীসকলে কোৱা বুলি ব্যক্ত কৰে যাদৱ ডেকায়ে ।

লগতে চাওকঃনাৰী দিৱস উপলক্ষে তামিলনাডুৰ মহিলাৰ ব্যতিক্ৰমী পদক্ষেপ গ্ৰহণ