অচিনাক্ত বাহনৰ খুন্দাত বেজেৰাত লতামাকৰিৰ মত্যু

এখন অচিনাক্ত বলেৰ' গাড়ীয়ে খুন্দিওৱাৰ ফলত দেওবাৰে নিশা বাইহাটা চাৰিআলিৰ বেজেৰাত মৃত্যু এটা দুষ্প্ৰাপ্য় লতামাকৰিৰ ৷

বাইহাটা, 27 জুলাই: দেওবাৰে নিশা কোনো অচিনাক্ত বাহনে খুন্দিওৱাৰ ফলত বাইহাটা চাৰিআলিৰ বেজেৰাৰ ৫ নং ৰাষ্ট্ৰীয় ঘাইপথত মৃত্যু হয় এটা লতামাকৰি বাঘৰ ৷ অঞ্চলটোৰ দাতিকাষৰীয়া পাহাৰৰ বনাঞ্চলৰ পৰা লতামাকৰীটোৱে জনাঞ্চলত প্ৰৱেশ কৰাৰ সন্দেহ প্ৰকাশ স্থানীয় লোকৰ ৷ এগৰাকী লোকৰ বাসগৃহৰ সন্মুখত মৃত লতামাকৰিটো পৰি থকা দেখি লোকগৰাকীয়ে ততাতৈয়াকৈ ঘটনা সন্দৰ্ভত অৱগত কৰে বাইহাটা আৰক্ষী চকীত ৷

এখন বলেৰ' গাড়ীয়ে খুন্দিওৱাৰ ফলত মৃত্যু হোৱা দুষ্প্ৰাপ্য জন্তুটো গাড়ীখনত থকা লোকে নিব বিচাৰিছিল যদিও, স্থানীয় ৰাইজৰ তৎপৰতাত নিব নোৱাৰিলে অচিনাক্ত বাহন খনত থকা লোকে ৷ পৰৱৰ্তী সময়ত ঘটনাস্থলীত বন বিভাগৰ লোক উপস্থিত হৈ মৃত লতামাকৰিটো মৰণোত্তৰ পৰীক্ষাৰ বাবে প্ৰেৰণ কৰে ৷

লগতে পঢ়ক:লক ডাউনে জীৱন সলনি কৰা এটা দম্পতীৰ কাহিনী...