পানীখাইতিত তীব্ৰবেগী ডাম্পাৰৰ খুন্দাত নিহত এজন

মহানগৰীৰ পানীখাইতিত সোমবাৰে নিশা তীব্ৰবেগী ডাম্পাৰৰ খুন্দাত নিহত হয় এজন লোক ৷ মৃত লোকজন পানীখাইতিৰ নিবাসী মহাদেৱ গৌতম ৷

গুৱাহাটী,9 ফেব্ৰুৱাৰী: সোমবাৰে নিশা মহানগৰীৰ পানীখাইতিত সংঘটিত হয় ভয়ংকৰ পথ দুৰ্ঘটনা। তীব্ৰবেগী ডাম্পাৰৰ খুন্দাত নিহত এজন লোক ৷ মৃত লোকজন পানীখাইতিৰ নিবাসী মহাদেৱ গৌতম বুলি জানিব পৰা গৈছে ৷ কিন্তু দুৰ্ঘটনাটো সংঘটিত কৰিয়েই পলায়ন কৰে তীব্ৰবেগী বাহনখন। ঘটনাস্থলীত পানীখাইতি আৰক্ষী উপস্থিত হৈ দুৰ্ঘটনাটোৰ তদন্ত আৰম্ভ কৰে যদিও ডাম্পাৰ খনক জব্দ কৰিবলৈ সক্ষম নহ'ল ৷

ইফালে দুৰ্ঘটনা প্ৰৱণ অঞ্চলটোত প্রতি দিনে নিশাই তীব্ৰবেগী মালবাহী ট্ৰাক আৰু ডাম্পাৰৰ দৌৰাত্মত অতিষ্ঠ হৈ পৰিছে স্থানীয় লোকসকল । বাৰে বাৰে প্ৰশাসনক অৱগত কৰাৰ পাচতো আৰক্ষী তথা প্ৰশাসনে কোনো ব্যৱস্থা গ্ৰহণ নকৰাৰ অভিযোগ উত্থাপন কৰিছে স্থানীয় ৰাইজে ৷

লগতে পঢ়ক:মাঞ্জাত ভয়াবহ পথ দুৰ্ঘটনা:নিহত এজন