গুৱহাটী, 14 ফেব্ৰুৱাৰী: অসমত অনুসূচী জাতিৰ লোকসকলক অত্যাচাৰ কৰা সন্দৰ্ভত তেওঁলোকক অত্যাচাৰ প্ৰতিৰোধ বিষয়ক আইনৰ ভিত্তিত সুৰক্ষা প্ৰদান কৰা নহয় (Protection of Scheduled Castes)। আনকি এই আইনৰ ভিত্তিত অসম আৰক্ষীয়ে গোচৰ ৰুজু কৰাৰ ক্ষেত্ৰত চৰম অনীহা প্ৰদৰ্শন কৰি আহিছে । যাৰ বাবে এই সন্দৰ্ভত অসম আৰক্ষীয়ে অনুসূচী জাতিৰ লোকক অত্যাচাৰ প্ৰতিৰোধ বিষয়ক আইনৰ ভিত্তিত সুৰক্ষা প্ৰদান কৰাৰ বাবে আৰু তেওঁলোকক ন্যায় প্ৰদান কৰাৰ বাবে National commission for scheduled caste ৰ উপ সঞ্চালক অৰুণ হালডাৰে অসম আৰক্ষীক মঙলবাৰে নিৰ্দেশ দিছে ।
অসমত অনুসূচী জাতিৰ লোকসকলৰ সুৰক্ষা আৰু ন্যায় প্ৰদান কৰাৰ বাবে গুৱাহাটীৰ তাজ ভিভান্তাত এক আলোচনা অনুষ্ঠিত হয় । National commission for scheduled caste ৰ উপ সঞ্চালক অৰুণ হালডাৰ উপস্থিত থকা সভাত অসম আৰক্ষীৰ আৰক্ষী সঞ্চালক প্ৰধান জি পি সিং, বিভিন্ন অনুসুচীত জাতিৰ সংগঠন, বেচৰকাৰী সংস্থা আদি উপস্থিত আছিল (Oppression of Scheduled Castes) ।
অসমত যে অনুসূচী জাতিৰ লোকসকলক অত্যাচাৰ কৰা সন্দৰ্ভত অসম আৰক্ষীয়ে অনুসূচী জাতিৰ লোকক অত্যাচাৰ প্ৰতিৰোধ বিষয়ক আইনৰ ভিত্তিত সুৰক্ষা প্ৰদান কৰা নহয়, সেয়া আজিৰ সভাত প্ৰতিফলিত হয় । যোৱা এবছৰ পূৰ্বে লখিমপুৰত এগৰাকী অনূসূচীত জাতিৰ মহিলাক এটা 20 জনীয়া দলে অত্যাচাৰ কৰি হত্যা কৰিছিল । কিন্তু এই গোচৰটো আৰক্ষীয়ে এই গোচৰটো Scheduled Caste and Scheduled Tribe (Prevention of Atrocities) Act ৰ অধীনত ৰুজু কৰা নাছিল । এই সন্দৰ্ভত আজিৰ সভাত অনুসুচীত জাতি সংস্থাই বিষয়টো সভা উত্থাপন কৰে ।