এজাক বৰষুণতে ডুব গ'ল গুৱাহাটী

10 মিনিটৰ বৰষুণে ম্লান কৰিলে স্মাৰ্ট চিটি গুৱাহাটীৰ আভিজাত্য

গুৱাহাটী, 6 জুলাইঃ গধুলি অহা এজাক বৰষুণতে ডুব গ'ল গুৱাহাটী মহানগৰী ৷ প্ৰায় ১০ মিনিটৰ এজাক ধাৰাষাৰ বৰষুণত মহানগৰীৰ জালুকবাৰী, মালিগাঁৱত, ভৰলুমুখৰ লগতে বিভিন্ন অঞ্চলত কৃত্ৰিম বানৰ সৃষ্টি হয় । ৰাজপথৰ হোৱা বানৰ ফলত এক অভাৱনীয় পৰিস্থিতি সৃষ্টি হয়, সৃষ্টি হয় তীব্ৰ যান-জঁটৰ। লগতে ৰাজপথত একাঠু পানী হোৱাৰ বাবে যান-বাহন চলাচল কৰাতো বিশেষ অসুবিধাৰ সন্মুখীন হৈছে । মুঠৰ ওপৰত এজাক বৰষুণতে উটি গ'ল স্মাৰ্ট চিটি গুৱাহাটীৰ আভিজাত্য ।