11 বজাৰ দহটা গুৰুত্বপূৰ্ণ খবৰ

11 বজাৰ দহটা গুৰুত্বপূৰ্ণ খবৰ

অসম-নাগালেণ্ড সীমান্তত সন্দেহযুক্ত DNLA ৰ গুলী চালনাত প্ৰাক্তন DHD নেতা নিহত

বুধবাৰে নিশা অসম-নাগালেণ্ড সীমান্তৰ খাৰনাইদিছা গাঁৱত সংঘটিত হোৱা এই ভয়ংকৰ আক্ৰমণে এলেকাতোত ত্ৰাসৰ সৃষ্টি কৰিছে ৷ আহত যুৱক জন বৰ্তমান ডিফু চিকিৎসা মহাবিদ্যালয়ত চিকিৎসাধীন হৈ আছে বুলি জানিব পৰা গৈছে ৷

ডুমডুমাত অসম চাহ কৰ্মচাৰী সংঘৰ অৱস্থান ধৰ্মঘট

অসম চাহ কৰ্মচাৰী সংঘৰ মৰাণ,টিংৰাই আৰু ডুমডুমা শাখাই তিনি ঘন্টীয়া অৱস্থান ধৰ্মঘট কাৰ্যসূচী ৰূপায়ণ কৰি চৰকাৰৰ বিৰুদ্ধে বিভিন্ন অভিযোগ উত্থাপন কৰে ৷ ৰাজ্য চৰকাৰখনে আন আন বৃহৎ খণ্ডৰ ওচৰত ক্ষুদ্ৰ চাহ শ্ৰমিক সকলক শোষণ হ'বলৈ এৰি দিয়াৰ গুৰুতৰ অভিযোগ উত্থাপন কৰিছে কৰ্মচাৰী সকলে ৷

কলিয়াবৰত নিৰ্ধাৰিত কাৰ্যসূচীৰ পূৰ্বে কিয় উপস্থিত হ’ল হিমন্ত বিশ্ব শৰ্মা !

চৰকাৰী বা কোনো ৰাজহুৱা কাম এৰি দলৰ হাইকামাণ্ডৰ নিৰ্দেশ অনুসৰি কোন কেতিয়া দিল্লীলৈ উৰা মাৰিব লগা হয়,তাৰ কোনো নিশ্চয়তা নাই । তেনে ঘটনাক্ৰমত পৰি পূৰ্ব নিৰ্দ্ধাৰিত কাৰ্য‍সূচীৰ পৰিৱৰ্তে আগতিয়াকৈয়ে বুধবাৰে মাজনিশাই কলিয়াবৰত পদাৰ্পণ কৰে মন্ত্ৰী ড০ হিমন্ত বিশ্ব শৰ্মাই ।

কৰ্ণাটকত একেটা পৰিয়ালৰে চাৰিজনৰ আত্মহত্যা

কৰ্ণাটকত একেটা পৰিয়ালৰে চাৰিজনকৈ লোকৰ আত্মহত্যা ৷ চলন্ত ৰেলৰ আগত পৰি আত্মহত্যা কৰে এহাল দম্পত্তি আৰু দুটি সন্তানে ৷ আত্মহত্যাৰ কাৰণ বৰ্তমানেও জানিব পৰা হোৱা নাই ৷

এক কোটি পঞ্চাশ লাখ টকাৰে বৰলীয়া নৈত নিৰ্মাণ হ'ব মঠাউৰি

অসম চৰকাৰৰ জলসম্পদ বিভাগৰ নলবাৰী সংমণ্ডলৰ অধীনস্থ চমুখাৰ পৰা আঢ়ৈ কিঃমিঃ জৰাজীৰ্ণ মঠাউৰিৰ পুনৰ নিৰ্মাণ কাৰ্যৰ শুভাৰম্ভণি কৰাৰ বাবে বুধবাৰে লহকৰপাৰা বৰদৌল প্ৰাংগণত এখন সভা অনুষ্ঠিত কৰা হয় ৷

বিটিআৰ চুক্তিৰ বিৰোধিতা প্ৰাক্তন সাংসদ ছানচুমা খুুংগুৰ বিছুমুতিয়াৰীৰ

ঐতিহাসিক বিটিআৰ চুক্তিৰ বিৰোধিতাৰে বুধবাৰে The All India Bodo People National League for Statehoodৰ ক'লা দিৱস পালন ৷ কোকৰাঝাৰ জিলা উপায়ুক্তৰ যোগেদি প্ৰধানমন্ত্ৰী আৰু গৃহমন্ত্ৰীলৈ বিভিন্ন দাবী সম্বলিত স্মাৰক পত্ৰ প্ৰেৰণ সংগঠনটোৰ সভাপতি তথা লোকসভাৰ প্ৰাক্তন সাংসদ ছানচুমা খুুংগুৰ বিছুমুতিয়াৰীৰ ৷

অন্ধ্ৰ প্ৰদেশত ভয়ংকৰ অগ্নিকাণ্ডৰ ঘটনা

বুধবাৰে নিশা অন্ধ্ৰপ্ৰদেশৰ বিশাখাপট্টনমত সংঘটিত হয় ভয়ংকৰ অগ্নিকাণ্ডৰ ঘটনা ৷ এটা শিল্প উদ্যোগত সংঘটিত হয় এই অগ্নিকাণ্ডৰ ঘটনাটো ৷ অগ্নিকাণ্ডত হতাহতি হোৱাৰ খবৰ বৰ্তমানলৈকে লাভ কৰিব পৰা হোৱা নাই ৷

ধৰ্মপুৰত চন্দ্ৰ মোহন পাটোৱাৰীৰ উপস্থিতিত বিজেপিত যোগদান কাৰ্যসূচী

বৃহত্তৰ পূৱ নতুন দেহৰ গাঁও পঞ্চায়তৰ অন্তৰ্গত প্ৰায় দুই শতাধিক কংগ্ৰেছ কৰ্মীয়ে ধৰ্মপুৰ সমষ্টিৰ স্থানীয় বিধায়ক তথা কেবিনেট মন্ত্ৰী চন্দ্ৰমোহন পাটোৱাৰীৰ উপস্থিতিত বিজেপিত আনুষ্ঠানিকভাৱে ভাৰতীয় জনতা পাৰ্টীত যোগদান কৰে ।

অসম প্ৰদেশ কংগ্ৰেছৰ মুখপাত্ৰ ৰূপেশ গোৱালাৰ পদত্যাগ

অসম প্ৰদেশ কংগ্ৰেছৰ মুখপাত্ৰ তথা সাধাৰণ সম্পাদকৰ দায়িত্বত থকা ৰূপেশ গোৱালাই বুধবাৰে কংগ্ৰেছ দলৰ পৰা আকস্মিকভাৱে পদত্যাগ কৰে ৷

50 টা বছৰ গৰকিলে অনুৰাধা চিনেপ্লেক্সে

বুধবাৰে সোণালী জয়ন্তী অতিক্ৰম কৰিলে অনুৰাধা চিনেপ্লেক্সে ৷ এই উপলক্ষে চিত্ৰগৃহটিত আয়োজন কৰা হয় বিশেষ অনুষ্ঠানৰ ৷ এই অনুষ্ঠানত উপস্থিত থাকে মুখ্যমন্ত্ৰী সৰ্বানন্দ সোণোৱাল ৷