মাঘ বিহুৰ উৰুকাৰ দিনাই 24ঘন্টীয়া অনশনত বহিল কৃষক মুক্তি সংগ্ৰাম সমিতি

যোৰহাট জিলা উপায়ুক্ত কাৰ্যালয়ৰ সন্মুখত নাগৰিকত্ব সংশোধনী আইন বাতিল আৰু কাৰাবন্দীক বিনাচৰ্তে মুক্তিৰ দাবীত ২৪ ঘন্টীয়া অনশন কাৰ্যসূচী গ্ৰহণ কৰে কৃষক মুক্তি সংগ্ৰাম সমিতিয়ে ৷

যোৰহাট,14 জানুৱাৰীঃহেঁপাহৰ ভোগালীক লৈ ৰাজ্যবাসী ব্য়স্ত থকাৰ মাজতে যোৰহাটত কৃষক মুক্তি সংগ্ৰাম সমিতিয়ে গ্ৰহণ কৰিছে অনশন কাৰ্যসূচী ৷ ভোগৰ ভোগালীৰ উৰুকা দিনটোত ২৪ ঘন্টীয়া অনশনৰে প্ৰতিবাদীত বহিল কৃষক মুক্তি সংগ্ৰাম সমিতিৰ চাৰিজনকৈ জেষ্ঠ কৰ্মী ৷ নাগৰিকত্ব সংশোধনী আইন বাতিল তথা অখিল গগৈসহ সকলো কাৰাবন্দীক বিনাচৰ্তে মুক্তি দিয়াৰ দাবীৰে যোৰহাট জিলা উপায়ুক্ত কাৰ্যালয়ৰ সন্মুখত ২৪ ঘন্টীয়া অনশনত বহিল কৃষক মুক্তি সংগ্ৰাম সমিতিৰ জেষ্ঠ কৰ্মীসকলে ৷

কৃষক মুক্তি সংগ্ৰাম সমিতিৰ জেষ্ঠ সভাপতি উমেশ বৰা, সুনন্দ বৰা, গুণিন দত্ত আৰু যদুমণি মহন্তই এইবাৰ বিহু পৰিহাৰ কৰি ৰূপায়ণ কৰে এই প্ৰতিবাদী কাৰ্যসূচী । শেহতীয়াকৈ জাতিটোৰ বাবে প্ৰাণ আহুতি দিয়া ৫ জনকৈ শ্বহীদৰ ঘৰতো নাই ভোগালী বিহুৰ উৰুকাৰ আনন্দ । সেয়েহে উৰুকাৰ আনন্দ বৰ্জন কৰি জাতিৰ বাবেই এই প্ৰতিবাদ কৃষক মুক্তি সংগ্ৰাম সমিতিৰ ৷

লগতে পঢ়কঃ মাজুলীত আৰম্ভ 'মনগীত' ফেষ্টিভেল