এতিয়াও অনিশ্চয়তাত কংগ্ৰেছ-এ আই ইউ ডি এফৰ মিত্ৰতা : জীতেন্দ্ৰ সিং

শনিবাৰে হাইলাকান্দি জিলা কংগ্ৰেছৰ নেতৃত্বত এক বিশাল কৰ্মীসভা আয়োজন কৰা হয় । এই সভাত বিশেষ অতিথি হিচাবে উপস্থিত থাকে কংগ্ৰেছৰ ৰাষ্ট্ৰীয় সাধাৰণ সম্পাদক জিতেন্দ্ৰ সিঙৰ লগতে বিৰোধী দলপতি দেবব্ৰত শইকীয়া, উত্তৰ কৰিমগঞ্জৰ বিধায়াক কমলাক্ষ দে’ পুৰকায়স্থ আৰু শিলচৰৰ প্ৰাক্তন সাংসদ সুস্মিতা দেৱ ।

হাইলাকান্দি, 5 নৱেম্বৰ : ২০২১ ৰ বিধানসভা নিৰ্বাচনৰ দিন চমু চাপি অহাৰ লগে লগে প্ৰতিটো ৰাজনৈতিক দলে আৰম্ভ কৰিছে জনসভা তথা কৰ্মীসভা ৷ তাৰ পৰিপ্ৰক্ষিতত শনিবাৰে হাইলাকান্দি জিলা কংগ্ৰেছৰ নেতৃত্বত এক বিশাল কৰ্মীসভা আয়োজন কৰা হয় । প্ৰথমতে হাইলাকান্দি বাইপাছৰ পৰা এক বিশাল সমদলৰে চহৰ ভ্ৰমণ কৰি স্থানীয় ৰবীন্দ্ৰ ভৱনৰ সভাস্থলীত সকলোৱে উপস্থিত হয় ।

এই সভাত বিশেষ অতিথি হিচাবে উপস্থিত থাকে কংগ্ৰেছৰ ৰাষ্ট্ৰীয় সাধাৰণ সম্পাদক জিতেন্দ্ৰ সিঙৰ লগতে বিৰোধী দলপতি দেবব্ৰত শইকীয়া, উত্তৰ কৰিমগঞ্জৰ বিধায়াক কমলাক্ষ দে’ পুৰকায়স্থ আৰু শিলচৰৰ প্ৰাক্তন সাংসদ সুস্মিতা দেৱ । বক্তব্য প্ৰদান কৰি মহিলা কংগ্ৰেছ সভানেত্ৰী সুস্মিতা দেৱে কয় যে বিজেপি চৰকাৰৰ পৰিৱৰ্তন মানে বৰাকৰ ল’ৰা-ছোৱালীক চৰকাৰী চাকৰিৰ পৰা বঞ্চিত কৰা ৷ পৰিৱৰ্তন মানে পেট্ৰ’ল-ডিজেলৰ মূল্য বৃদ্ধি ৷ এইদৰে বিভিন্ন তীৰ্যক মন্তব্যৰে বিজেপি চৰকাৰৰ বিৰুদ্ধে সমালচনামুখৰ হৈ পৰে প্ৰাক্তন সাংসদ গৰাকী ।

কংগ্ৰেছ নেতা জিতেন্দ্ৰ সিঙে কয় যে, কংগ্ৰেছ আৰু এ আই ইউ ডি এফৰ মিত্ৰতা এতিয়াও অনিশ্চয়তাত ৷ এতিয়ালোকে দলে কোনো সিদ্ধান্ত লোৱা নাই ৷ মিত্ৰতাৰ লগতে এইবাৰ অসমত কংগ্ৰেছৰ চৰকাৰ হ’ব বুলি দাবী কৰে কংগ্ৰেছ নেতাজনে ৷

লগতে পঢ়ক :আগন্তুক ১২ ঘণ্টাত 'বুৰেৱী' ঘূৰ্ণীবতাহৰ গতিবেগ হ্ৰাস পোৱাৰ সম্ভাৱনা