গোলাঘাট,15 অক্টোবৰ : বন্যপ্ৰাণীৰ আবাসস্থল কাটি ধ্বংস কৰাৰ ফলতে বন্যহস্তীয়ে জনবসতি অঞ্চলত উপদ্ৰৱ কৰি আহিছে ৷ গোলাঘাটৰ মৰঙী মৌজাৰ বহু অঞ্চলতো বনৰীয়া হাতীয়ে উপদ্ৰৱ চলাই আহিছে ৷ পথাৰৰ ধান খাই তহলিং কৰাৰ লগতে মানুহৰ ভঁৰাল ভাঙি ভক্ষণ কৰিছে ধান ৷
ইয়াৰোপৰি পুৰণিমাটি গাঁৱৰ নিবাসী লাৱণ্য দত্ত নামৰ লোকজনৰ বাসগৃহ ভাঙি পেলোৱাৰ লগতে ধান খাই অনিষ্ট সাধন কৰে বন্যহস্তীয়ে ৷ বন্যহস্তীয়ে সঘনাই মৰঙী মৌজাৰ পুৰণিমাটি,মাজগাঁও,ৰাগদীয়া,লেটেকুবস্তি,কৌৱানিপথাৰ,অভয়জান,জুলীয়া দলং আদি অঞ্চলত সন্ত্ৰাস চলাই আহিছে । এই ক্ষেত্ৰত বন বিভাগে কোনোধৰণৰ ব্যৱস্থা হাতত নোলোৱাৰো অভিযোগ উত্থাপন কৰিছে ৰাইজে ৷