গোৱালপাৰা,22 মাৰ্চঃ 39 নং জলেশ্বৰ সমষ্টিত ব্যতিক্ৰমী ৰূপত অৱতীৰ্ণ হৈছে এগৰাকী প্ৰাৰ্থীয়ে । পিছে নিৰ্বাচনত প্ৰতিদ্বন্দিতা কৰিব ঠিকেই কিন্তু ৰাইজৰ পৰা ভোট নিবিচাৰে ফকিৰ বাবা মোজাহাৰুল ইছলাম নামৰ প্ৰাৰ্থীগৰাকীয়ে । নিৰ্দলীয় প্ৰাৰ্থীৰূপে প্ৰতিদ্বন্দিতা কৰিব ফকিৰ বাবাজনে ।
কোনো ৰাজনৈতিক দলৰ প্ৰতীক চিহ্ন নলয় ফকিৰ বাবাজনে । বিধায়ক হিচাপে নিৰ্বাচিত হ’লে ফকিৰ বাবাই প্ৰথমে বান, গঢ়া খহনীয়া আদি সমস্যা সমাধান কৰাৰ লগতে বাবাই গঢ়িব এখন বিশ্ববিদ্যালয়, দহখন মহাবিদ্যালয়, এখন চিকিৎসা মহাবিদ্যালয়ৰ লগতে দহখন চিকিৎসালয় ৷ ইয়াৰ উপৰিও বাবাই সত্ৰাধিকাৰ আৰু ফকিৰ সকলক মাহেকত দিব 25,000 টকাকৈ । এতিয়া ৰাজনীতিৰ এই মহাৰণত সমষ্টিবাসীয়ে ফকিৰ বাবাক কিদৰে আকোৱালি ল'ব সেয়া লক্ষণীয় হ'ব ৷
লগতে পঢ়কঃৰাজ্যত ক’ভিড-19 দ্বিতীয় ৱেভৰ প্ৰথমগৰাকী ৰোগীৰ মৃত্যু
